திருமண வயதில் பிள்ளைகள்… வெளிநாட்டு பெண்களுடன் உல்லாசமாக இருந்த கணவர்…. தட்டிகேட்ட மனைவிக்கு நடந்த கொடூரம்…. பரபரப்பு சம்பவம்…!!

கேரள மாநிலம் காணக்காரி பகுதியை சேர்ந்தவர் ஜார்ஜ்(59). மனைவி ஜெஸ்ஸி சாம்(49). இந்த தம்பதியினருக்கு 28 வயதில் ஒரு மகளும், 25 மற்றும் 23 வயதில் இரண்டு மகன்களும் உள்ளனர். இவர்களது பிள்ளைகள் வெளிநாட்டில் உள்ளனர். மகாத்மா காந்தி பல்கலைகழகத்தில் படித்து வரும் ஜார்ஜுக்கு சில வெளிநாட்டு பெண்களுடன் தொடர்பு இருப்பதாக தெரிகிறது. அடிக்கடி வெளிநாட்டு பெண்களை வீட்டிற்கு அழைத்து வந்து உல்லாசமாக இருந்துள்ளார்.

இது தொடர்பாக கணவன் மனைவிக்கு இடையே தகராறு ஏற்பட்டுள்ளது. கடந்த சில நாட்களுக்கு முன்பு வெளிநாட்டில் உள்ள மகள் ஜெஸியை செல்போன் மூலம் அழைத்துள்ளார். அவர் அழைப்பை ஏற்காததால் உடனடியாக போலீசாருக்கு தகவல் தெரிவித்தார். அந்த தகவலின் படி நேற்று முன்தினம் போலீசார் ஜெஸியின் வீட்டிற்கு சென்றனர். அங்கு கணவன் மனைவி இருவருமே இல்லை.

இதனால் அவரை பல்வேறு இடங்களில் தேடி பார்த்தனர். அப்போது செப்புக்குளம் பகுதியில் 50 அடி பள்ளத்தாக்கில் ஜெஸியின் உடல் கிடப்பதை கண்டு போலீசார் அதிர்ச்சியடைந்தனர். இதுகுறித்து வழக்குபதிவு செய்த போலீசார் ஜார்ஜை கைது செய்து விசாரித்த போது அவர் தனது மனைவியை கொலை செய்ததை ஒப்புக்கொண்டார். அவருக்கு உடந்தையாக இருந்த ஜார்ஜின் ஈரான் நாட்டு காதலியையும் போலீசார் கைது செய்துள்ளனர்.