பட்டதாரிகளுக்கு அரிய வாய்ப்பு..! மத்திய ஆயுதக் காவல் படையில் 349 காலிப்பணியிடங்கள்.. யுபிஎஸ்சி நடத்தும் தேர்வு.. முழு விவரம் உள்ளே…!!

மத்திய ஆயுத காவல்படை உதவித் தளபதி பதவிக்கான 349 காலிப்பணியிடங்களுக்கு யுபிஎஸ்சி ஆட்சேர்ப்பு அறிவிப்பை வெளியிட்டுள்ளது. இதன் மூலம் எல்லை பாதுகாப்பு படை , மத்திய ரிசர்வ் காவல்படை , மத்திய தொழில் பாதுகாப்பு படை , சாஸ்திர சீமா பால் மற்றும் இந்தோ திபெத்திய எல்லைக் காவல் ஆகிய பிரிவுகளில் உள்ள பணியிடங்கள் நிரப்பப்படவுள்ளன. தகுதியும் விருப்பமும் உள்ள ஆண்கள் மற்றும் பெண்கள் https://upsconline.nic.in/ என்ற இணையதளம் வழியாக மார்ச் 12-ம் தேதி மாலை 6 மணி வரை ஆன்லைனில் விண்ணப்பிக்கலாம்.

இப்பதவிக்கு விண்ணப்பிக்க ஏதேனும் ஒரு இளங்கலை பட்டப்படிப்பை முடித்திருக்க வேண்டும் அல்லது 2026-ல் தகுதி பெறுபவர்களாக இருக்க வேண்டும். விண்ணப்பதாரர்கள் 2026 ஆகஸ்ட் 1-ம் தேதியின்படி 20 வயது நிறைந்தவராகவும், 25 வயதைக் கடந்திருக்கக் கூடாதவராகவும் இருக்க வேண்டும்; அரசு விதிகளின்படி எஸ்சி, எஸ்டி, ஒபிசி, மத்திய அரசு ஊழியர்கள் மற்றும் முன்னாள் ராணுவத்தினருக்கு வயது வரம்பில் தளர்வுகள் உண்டு. மேலும், இதற்கான விண்ணப்பக் கட்டணம் ரூ.200 ஆகும், ஆனால் எஸ்சி, எஸ்டி மற்றும் பெண் விண்ணப்பதாரர்களுக்கு கட்டணம் செலுத்துவதிலிருந்து விலக்கு அளிக்கப்பட்டுள்ளது.

தேர்வு செயல்முறையானது ஜூலை 19-ம் தேதி தமிழகத்தில் சென்னை மற்றும் மதுரையில் நடைபெறும் எழுத்துத் தேர்வுடன் தொடங்குகிறது. இதில் கொள்குறி வகையில் 250 மதிப்பெண்களுக்கு முதல் தாளும் நெகட்டிவ் மதிப்பெண் உண்டு, பொது அறிவு விவரித்து எழுதும் வகையில் 200 மதிப்பெண்களுக்கு இரண்டாம் தாளும் நடத்தப்படும். எழுத்துத் தேர்வில் தேர்ச்சி பெறுபவர்களுக்கு உடற்தகுதித் தேர்வு நடத்தப்பட்டு, அதிலும் தேர்வாகும் நபர்களுக்கு 150 மதிப்பெண்களுக்கு நேர்காணல் மற்றும் மருத்துவ பரிசோதனை நடத்தப்பட்டு இறுதிப் பட்டியல் வெளியிடப்படும்.