இந்தியாவுக்குப் புதிய ஆபத்து..! இந்தியாவை மட்டுமே உளவு பார்க்க 6 அதிநவீன செயற்கைக்கோள்கள்… பாகிஸ்தான் செஞ்ச வேலை… பெரும் பரபரப்பு..!!

இந்தியாவை எந்நேரமும் உளவு பார்த்துக் கண்காணிக்கும் நோக்கில், பாகிஸ்தான் நாடு 6 புதிய செயற்கைக்கோள்களை விண்ணில் ஏவியுள்ள தகவல் பெரும் பரபரப்பை ஏற்படுத்தியுள்ளது. கடுமையான பொருளாதார நெருக்கடியில் சிக்கித்தவிக்கும் பாகிஸ்தான், கடந்த 2025 ஜனவரி முதல் 2026 ஜூன் வரையிலான குறுகிய காலத்திற்குள் இந்த 6 புவி கண்காணிப்பு செயற்கைக்கோள்களையும் ஏவி முடித்துள்ளது. இந்தச் செயற்கைக்கோள்கள் அனைத்தும் சீனாவின் விண்வெளி ஏவுதளங்களில் இருந்தே விண்ணில் செலுத்தப்பட்டுள்ளன என்பது குறிப்பிடத்தக்கது.

வழக்கமாகச் செயற்கைக்கோள்கள் ஒட்டுமொத்த பூமியையும் படம் பிடிக்கத் துருவ சுற்றுப்பாதையில் நிலைநிறுத்தப்படும்; ஆனால், பாகிஸ்தானின் இந்த செயற்கைக்கோள்கள் ‘சாய்ந்த சுற்றுப்பாதையில்’ (Inclined Orbits) நிலைநிறுத்தப்பட்டுள்ளன. இதன் மூலம், அவை உலகைச் சுற்றாமல் இந்திய நிலப்பரப்பிற்கு மேல் மட்டுமே தொடர்ச்சியாகச் சுற்றும்படி விசித்திரமாக வடிவமைக்கப்பட்டுள்ளன. இந்தியாவின் எந்தவொரு முக்கியப் பகுதியையும், எல்லைப் பகுதி ராணுவ நடமாட்டங்களையும் இரண்டு நாட்களுக்கு ஒருமுறை துல்லியமாகப் படம் பிடித்துக் கண்காணிக்கும் திறன் இதற்கு உண்டு.

மேலும், இந்தச் செயற்கைக்கோள்களில் அதிநவீன செயற்கை நுண்ணறிவு (AI) தொழில்நுட்பம் உள்ளதால், எடுக்கப்படும் புகைப்படங்களைச் சில நொடிகளிலேயே பகுப்பாய்வு செய்து பாகிஸ்தான் ராணுவத்திற்கு அனுப்பிவிடும். வேளாண்மை மற்றும் பேரிடர் மேலாண்மைக்காகவே இவை ஏவப்பட்டதாகப் பாகிஸ்தான் அரசு அதிகாரப்பூர்வமாகத் கூறினாலும், இது இந்தியாவுக்கு எதிரான சீனா மற்றும் பாகிஸ்தான் கூட்டு ராணுவத்தின் உளவுத் திட்டம் என்றே பாதுகாப்பு நிபுணர்களால் பார்க்கப்படுகிறது.