அய்யோ இப்படியா சாவு வரணும்?… பள்ளிக்குப் புறப்பட்ட 13 வயது மாணவிக்கு நேர்ந்த கொடூரம்… கதறி துடிக்கும் பெற்றோர்…!

தென்காசி மாவட்டம் உடையாம்புளி பகுதியில் வசித்து வருபவர் முருகன். கொத்தனாராக வேலை செய்து வரும் இவருக்கு சங்கரம்மா என்ற மனைவி உள்ள நிலையில் அவர் பீடி சுற்றும் வேலை செய்து வருகின்றார். இந்த தம்பதிக்கு பாலகிருஷ்ணவேணி என்ற 13 வயது மகளும், மூன்று வயதில் ஒரு மகனும் உள்ளனர். ஆலங்குளம் அருகே உள்ள அரசு மேல்நிலைப் பள்ளியில் சிறுமி ஒன்பதாம் வகுப்பு படித்து வருகின்றார். இவருக்கு பிறக்கும்போதே இதயத்தில் பிரச்சனை இருந்துள்ளது. இதனால் தொடர்ந்து மாணவி மருந்து மாத்திரைகளை எடுத்து வந்துள்ளார். இதனிடையே நேற்று இரவு சிறுமி மாத்திரை எடுக்க தவறியதாக தெரிகிறது.

இதனைத் தொடர்ந்து இன்று காலை பள்ளி சீருடை அணிந்து கொண்டு மகிழ்ச்சியோடு பள்ளிக்கு புறப்பட்ட சிறுமி வீட்டின் வாசலிலேயே திடீரென மயங்கி விழுந்துள்ளார். இதனால் பதறிப் போன பெற்றோர் உடனே அவரை அழைத்துக்கொண்டு அருகில் உள்ள மருத்துவமனைக்கு அழைத்துச் சென்ற நிலையில் அவர் ஏற்கனவே உயிரிழந்து விட்டதாக மருத்துவர்கள் தெரிவித்தனர். இன்று காலை அம்மாவிடம் சொல்லிவிட்டு ஆசை ஆசையாக கிளம்பிய சிறுமி அப்படியே கீழே விழுந்தவுடன் உயிரிழந்த சம்பவம் அப்பகுதியில் சோகத்தை ஏற்படுத்தியுள்ளது.