இன்றைய நவீன உலகில் ஸ்மார்ட் ஸ்பீக்கர்கள் மற்றும் ஏஐ (AI) உதவியாளர்கள் வீடுகளில் சாதாரணமாகிவிட்டன. ஆனால், பெங்களூருவைச் சேர்ந்த பங்கஜ் என்ற இளைஞர், நவீன தொழில்நுட்பத்திற்குப் புதிய பரிமாணத்தைக் கொடுத்துள்ளார். இவர் 1970-களின் ரோட்டரி டயல் வகை டெலிபோனை, தனது தாத்தாவின் பழைய நினைவுகளோடு சேர்த்து, ஒரு நவீன ஏஐ உதவியாளராக மாற்றியமைத்துள்ளார். பிளாஸ்டிக் பெட்டி போன்ற நவீன சாதனங்களை விட, பழைய விண்டேஜ் போனில் பேசுவது புதுமையான அனுபவமாக இருக்கும் என்பதால் அவர் இந்த முயற்சியில் இறங்கியுள்ளார்.
இந்த மாற்றத்திற்கு அவருக்குச் செலவானது வெறும் ரூ.2,307 மட்டுமே. பார்ப்பதற்கு 1970-களின் பழங்கால டெலிபோன் போல காட்சியளித்தாலும், அதன் உள்ளே அதிநவீன செயற்கை நுண்ணறிவு தொழில்நுட்பம் பொருத்தப்பட்டுள்ளது. இந்த அமைப்பின் சிறப்பம்சமே, போனின் ரிசீவரை எடுத்தவுடன் ஏஐ சிஸ்டம் தயாராகிவிடுவதுதான். பயனாளர் “Hey Kiri” என்று அழைத்தவுடன், அந்த சாதனம் கட்டளைகளைப் பெறத் தயாராகி விடுகிறது.
இந்த ஏஐ டெலிபோன் மூலம் ஒருவர் அன்றாட வேலைகளை மிக எளிதாகச் செய்ய முடியும். டாக்ஸி முன்பதிவு செய்வது, மீட்டிங்குகளைத் திட்டமிடுவது, உணவுகளை ஆர்டர் செய்வது, மின்னஞ்சல்களைச் சுருக்கமாகக் கேட்டுத் தெரிந்துகொள்வது மற்றும் வீட்டின் விளக்குகளைக் கட்டுப்படுத்துவது எனப் பல பணிகளை இது செய்கிறது. பழமையும் நவீனமும் இணைந்த இந்த விசித்திரமான படைப்பு, சமூக வலைதளங்களில் பலரின் கவனத்தை ஈர்த்துள்ளது.
பங்கஜ் தனது எக்ஸ் (X) தளத்தில் இது குறித்த வீடியோவைப் பகிர்ந்த நிலையில், பலரும் அவரது படைப்பாற்றலைப் பாராட்டி வருகின்றனர். தொழில்நுட்பம் என்பது புதிய கேஜெட்டுகளை வாங்குவது மட்டுமல்ல, இருக்கும் பொருள்களைக் கொண்டு புதுமைகளை உருவாக்குவதுதான் என்பதை இந்த இளைஞர் நிரூபித்துள்ளார். விண்டேஜ் ஸ்டைல் மற்றும் ஏஐ தொழில்நுட்பத்தின் இந்த அபூர்வக் கலவை, தொழில்நுட்ப ஆர்வலர்களிடையே பெரும் வரவேற்பைப் பெற்றுள்ளது.
i was tired of talking to ugly plastic boxes. so i turned my grandfather’s old rotary phone into an ai assistant🤳
i pick it up, say “hey kiri” and just talk like book a cab, schedule a meeting, order me maggi, turn off the lights, summarise my emails literally anything and it… pic.twitter.com/JvX4MOY9T7
— Pankaj (@the2ndfloorguy) March 9, 2026