தமிழகத்தில் அடுத்த அதிர்ச்சி… 300 பவுன் நகை… வரதட்சணை கொடுமையால் இளம்பெண் தற்கொலை… மதுரையை அதிரவைத்த சம்பவம்…!

மதுரை செல்லூரில் வரதட்சனை கொடுமையால் இளம்பெண் தற்கொலை செய்து கொண்ட சம்பவம் அதிர்ச்சியை ஏற்படுத்தி உள்ளது. தமிழகத்தில் கடந்த சில நாட்களாகவே வரதட்சணை கொடுமையால் பெண்கள் தற்கொலை செய்து கொள்ளும் சம்பவங்கள் தொடர்ந்து அதிகரித்து வரும் நிலையில் இந்த சம்பவம் புதிய பரபரப்பை கிளப்பியுள்ளது. ரூபன் ராஜ் மற்றும் பிரியதர்ஷினி தம்பதிக்கு கடந்த ஆண்டு திருமணம் நடந்த நிலையில் திருமணத்தின்போது மணமகன் வீட்டார் வரதட்சணையாக 300 பவுன் நகை கேட்டுள்ளனர். ஆனால் பெண் வீட்டார் 150 பவுன் நகை கொடுத்துள்ளனர்.

இந்நிலையில் 150 பவுன் போதாது, மேலும் 150 பவுன் தர வேண்டும் என்று கேட்டு மணமகன் வீட்டார் பிரியதர்ஷினியை கொடுமை செய்துள்ளனர். இந்த பிரச்சனையில் ரூபன் ராஜ் மற்றும் பிரியதர்ஷினி இருவரும் பிரிந்து வாழ்ந்து வந்த நிலையில் சம்பவத்தன்று பிரியதர்ஷினி தூக்க மாத்திரைகளை சாப்பிட்டு தற்கொலைக்கு முயற்சி செய்து உள்ளார். அவரை மீட்டு மருத்துவமனையில் அனுமதித்த நிலையில் சிகிச்சை பலனின்றி உயிரிழந்தார். வரதட்சணை கொடுமையால் தங்கள் மகள் தற்கொலை செய்து கொண்டதாக பிரியதர்சனியின் பெற்றோர் போலீசில் புகார் அளித்த நிலையில் இது தொடர்பாக போலீசார் வழக்கு பதிவு செய்து பிரியதர்ஷினியின் கணவர் ரூபன் ராஜ், மாமனார் மற்றும் மாமியாரை கைது செய்துள்ளனர்