தமிழ்நாடு முதலமைச்சர் சி. ஜோசப் விஜய் தலைமையில் புதிய தவெக அரசு, மகளிருக்கான நிதி உதவியை மேம்படுத்தும் பணிகளில் தீவிரமாக ஈடுபட்டுள்ளது. கடந்த சட்டமன்றத் தேர்தலின் போது அளித்த வாக்குறுதியின்படி, தகுதியுள்ள குடும்பத் தலைவிகளுக்கான மகளிர் உரிமைத் தொகையை ₹2,500 ஆக உயர்த்தி வழங்குவதற்கான திட்ட வரைவுகளை அரசு தற்போது மறுசீரமைத்து வருகிறது. தற்போதைய நிதி நிலைமை மற்றும் கடன் சுமைகளை ஆய்வு செய்த பிறகு இத்திட்டம் ‘மதிப்புமிகு மகளிர் திட்டம்’ என்ற பெயரில் முறைப்படி செயல்படுத்தப்பட உள்ளது.
சமீபத்தில் நடைபெற்ற சட்டப்பேரவைக் கூட்டத்தொடரில் இந்த ₹2,500 உயர்வு குறித்த அதிகாரப்பூர்வ அறிவிப்பு உடனடியாக வெளியாகாத நிலையில், வரும் ஜூலை மாத இடைக்கால பட்ஜெட் கூட்டத்தொடரில் இதுகுறித்த முக்கிய அறிவிப்பு வெளியாகும் என எதிர்பார்க்கப்படுகிறது. இந்த புதிய அறிவிப்பில், விடுபட்ட தகுதியான புதிய பயனாளிகளைச் சேர்ப்பதற்கான புதிய விதிமுறைகள் மற்றும் வழிகாட்டுதல்கள் இடம்பெற வாய்ப்புள்ளதாகத் தகவல்கள் தெரிவிக்கின்றன