கோவை மாவட்டம் சூலூர் தொகுதியில் போட்டியிடும் தமிழக வெற்றிக் கழக வேட்பாளர் சுகுமார், கண்ணம்பாளையம் வாரச் சந்தையில் துண்டுப் பிரசுரங்களை விநியோகித்துத் தீவிரமாக வாக்குச் சேகரிப்பில் ஈடுபட்டார். அப்போது அங்கு காய்கறி விற்பனை செய்துகொண்டிருந்த இரு பெண்கள், வேட்பாளரை வழிமறித்து சரமாரியாகக் கேள்விகளை எழுப்பினர். “சொந்தக் குடும்பத்தையே கவனிக்காத உங்கள் தலைவர், நாட்டு மக்களை எப்படி கவனிப்பார்?” என அவர்கள் கேட்ட கேள்வியால் வேட்பாளர் நிலைகுலைந்து போனார்.
தொடர்ந்து பேசிய அந்தப் பெண்கள், தனது ரத்த உறவுகளையே மதிக்காத விஜய், தமிழ்நாட்டு மக்களுக்கு எப்படிப் பாதுகாப்பு அரணாக இருப்பார் என்று கேள்வி எழுப்பினர். மேலும், முதலமைச்சரையும், சிறு பிள்ளைகளையும் தவெக நிர்வாகிகள் மிகக் கேவலமாக அவதூறு பேசி வருவதைச் சுட்டிக்காட்டிய அவர்கள், “இப்படியெல்லாம் தரக்குறைவாகப் பேசுவதை உங்கள் தலைவர் ஏன் தடுக்கவில்லை?” என்று கிடுக்கிப்பிடி கேள்விகளை அடுக்கினர்.
பெண் வியாபாரிகளின் அடுத்தடுத்த அதிரடி கேள்விகளுக்குப் பதிலளிக்க முடியாமல் வேட்பாளர் சுகுமார் பெரும் திணறலுக்கு உள்ளானார். அவர்களைச் சமாதானப்படுத்த அவர் மேற்கொண்ட முயற்சிகள் தோல்வியில் முடிந்தன. தொடர்ந்து கேள்விக்கணைகளால் துளைக்கப்பட்டதால், பிரச்சாரத்தை முழுமையாக முடிக்க முடியாமல் அவர் பாதியிலேயே அங்கிருந்து கிளம்பிச் சென்றார். வேட்பாளர் சென்ற பின்னரும் சந்தை பகுதியில் விஜய்யின் அரசியல் அணுகுமுறை குறித்த விவாதங்களே மேலோங்கி இருந்தன.
ராஜஸ்தான் மாநிலத்தைச் சேர்ந்த அகில் குமார் சந்தக் என்பவர், கடந்த 2019-ஆம் ஆண்டு டெல்லியில் அசாம் மாநிலத்தைச் சேர்ந்த நூர்ஷிகா…
கேரள மாநிலம் கொச்சி பொன்னுருன்னி பகுதியில் உள்ள அடுக்குமாடிக் குடியிருப்பில் வசிக்கும் பிரபல மலையாள நடிகை அதுல்யா சந்திரா, 41…
நீலகிரி மாவட்டம் பில்லூர்மட்டம் சடையன் கொம்பை பகுதியைச் சேர்ந்த 14 வயது சிறுமி ஒருவர் திடீரென காணாமல் போனதாக கடந்த…
டெல்லி அரசுப் பேருந்து ஓட்டுநரிடம் வழித்தடம் பற்றிக் கேட்ட பெண் ஒருவர், திடீரென ஓட்டுநருடன் தகராறில் ஈடுபட்டு அவரது காலரைப்…
சென்னையை அடுத்த கொளத்தூர் ஜி.கே.எம் காலனி பகுதியில் அமைந்துள்ள டாஸ்மாக் மதுபான கூடத்தில், அண்ணன் மற்றும் தங்கை இருவரும் மதுபோதையில்…
திருப்பத்தூர் சட்டமன்றத் தொகுதியில் கடந்த தேர்தலில் திமுக சார்பில் போட்டியிட்டு குறைந்த வாக்கு வித்தியாசத்தில் தோல்வியடைந்த முன்னாள் அமைச்சர் கே.ஆர்.…