ஸ்டாலின் கொடுத்த ரூ.5000-க்கு செக்… மார்ச் 8-ல் விஜய் வெளியிடப் போகும் அந்த ஒரு அறிவிப்பு… தமிழகமே அதிரப்போகுது…!

தமிழக அரசியல் களத்தில் பெரும் எதிர்பார்ப்பை ஏற்படுத்தியுள்ள விஜய் தலைமையிலான ‘தமிழக வெற்றிக் கழகம்’, வரும் 2026 சட்டமன்றத் தேர்தலுக்கான தனது முதல் தேர்தல் அறிக்கையை மார்ச் 8-ஆம் தேதி சர்வதேச மகளிர் தினத்தன்று வெளியிடத் திட்டமிட்டுள்ளது.

இதனால் பிப்ரவரி மாதம் முழுவதும் தமிழகம் முழுவதும் சுற்றுப்பயணம் மேற்கொண்டு, பல்வேறு தரப்பு மக்களின் கோரிக்கைகளை கேட்டறிந்த தவெக தேர்தல் அறிக்கை குழு, தற்போது அதனை இறுதி செய்யும் பணியில் தீவிரமாக ஈடுபட்டுள்ளது.

இது குறிப்பாக, பெண்களின் முன்னேற்றம், பாதுகாப்பு மற்றும் வாழ்வாதாரத்தை மையப்படுத்திய அதிரடி அறிவிப்புகள் இந்த அறிக்கையில் இடம்பெறும் என எதிர்பார்க்கப்படுவதால், இது பெண்களுக்கு ஒரு மிகப்பெரிய ‘மகளிர் தின’ பரிசாக அமையும் என்று அரசியல் வட்டாரங்கள் தெரிவிக்கின்றன.

இந்தத் தேர்தல் அறிக்கையில் கல்வி மற்றும் சுகாதாரத்திற்கு முன்னுரிமை அளிக்கப்படுவதோடு, ஏற்கனவே ஆலோசிக்கப்பட்டபடி அனைவருக்கும் வீடு மற்றும் இருசக்கர வாகனங்கள் தொடர்பான முக்கிய வாக்குறுதிகளும் இடம்பெற வாய்ப்புள்ளதாகக் கூறப்படுகிறது.

மேலும் அதே நாளில் ஆளுங்கட்சியான திமுகவும் பெண்களுக்கான புதிய திட்டங்களை அறிவிக்கத் தயாராகி வருவதால், மார்ச் 8-ஆம் தேதி தமிழக அரசியலில் ஒரு முக்கியமான நாளாகக் கருதப்படுகிறது. விஜய்யின் இந்தத் தேர்தல் அறிக்கை, குறிப்பாக உழைக்கும் வர்க்கத்தினர் மற்றும் இளைஞர்களின் தேவைகளைப் பூர்த்தி செய்யும் வகையில் அமையும் எனத் தொண்டர்கள் மத்தியில் பலத்த எதிர்பார்ப்பு நிலவுகிறது.