“நூடுல்ஸ் காரமா இருக்கு!”… மதுபோதையில் வந்த கஸ்டமர்கள்… தட்டிக்கேட்ட ஹோட்டல் ஊழியர்களுக்கு அடித்த அடி… நள்ளிரவில் ஹோட்டலில் நடந்தது என்ன?…!!

பெங்களூரு எலக்ட்ரானிக் சிட்டி அருகேயுள்ள தொட்டதோகுரு பகுதியில் செயல்பட்டு வரும் உணவகத்தில், நூடுல்ஸில் காரம் அதிகமாக இருந்ததாக எழுந்த தகராறில் அசாம் மாநிலத்தைச் சேர்ந்த மூன்று ஊழியர்கள் கொடூரமாகத் தாக்கப்பட்டனர். கடந்த அக்டோபர் 29 அன்று இரவு மதுபோதையில் உணவருந்த வந்த சிலர், காரம் குறித்து ஊழியர்களிடம் வாக்குவாதத்தில் ஈடுபட்டு, பின்னர் அவர்களைக் கீழே தள்ளி சரமாரியாகக் குத்தியும் உதைத்தும் வன்முறையில் ஈடுபட்டதோடு, தடுக்க வந்தவரையும் தாக்கினர்.

பாதிக்கப்பட்ட ஊழியர்கள் அளித்த புகாரைத் தொடர்ந்து வழக்குப் பதிவு செய்த எலக்ட்ரானிக் சிட்டி காவல்துறையினர், தீவிர விசாரணை நடத்தி அவ்வூரைச் சேர்ந்த ரவி குமார், புட்டசாமி, மனோகர் மற்றும் சித்தராஜ் ஆகிய நான்கு பேரைக் கண்டறிந்து பிடித்தனர். பிடிபட்ட நால்வருக்கும் சட்ட நடைமுறைகளின்படி உரிய நோட்டீஸ் வழங்கப்பட்டுத் தற்காலிகமாக விடுவிக்கப்பட்டுள்ள நிலையில், இச்சம்பவம் குறித்து காவல்துறையினர் தொடர் சட்ட நடவடிக்கைகளை மேற்கொண்டு வருகின்றனர்.