உடன்பிறப்பா அல்லது எதிரியா?… “என் புருஷனை விட்ருங்க”.. கதறிய மனைவி… குடும்பமே சேர்ந்து செய்த கொடூரம்… மோதலில் நடந்த பகீர் சம்பவம்…!!

உத்தரப் பிரதேச மாநிலம் அவுரையா பகுதியில் குடும்பச் சொத்து தொடர்பான நிலத் தகராறு, உடன் பிறந்த சகோதரர்களுக்கு இடையே பெரும் வன்முறையாக மாறியுள்ளது. விளைநிலத்தில் ஏற்பட்ட கருத்து வேறுபாடு முற்றியதில், மூத்த சகோதரர் ஆத்திரமடைந்து தனது இளைய சகோதரரைத் தரையில் தள்ளித் தாக்கத் தொடங்கியுள்ளார். பின்னர் தனது மகனையும் துணைக்கு அழைத்துக்கொண்டு, இருவரும் சேர்ந்து மரக்கட்டைகள் மற்றும் தடிகளைக் கொண்டு கீழே விழுந்தவரை இரக்கமின்றித் தாக்கியுள்ளனர்.

அடி தாங்க முடியாமல் உயிருக்குப் போராடிய அந்த நபரின் அலறல் சத்தம் கேட்டு, அவரது மனைவி பதறியடித்துக்கொண்டு ஓடிவந்தார். தனது உயிரைப் பொருட்படுத்தாமல் கணவருக்கு அரணாக நின்ற அவர், ஆக்ரோஷமாகத் தாக்கிய இருவரையும் தடுத்து நிறுத்தி, மிகுந்த போராட்டத்திற்குப் பிறகு தன் கணவரைப் பத்திரமாக மீட்டார். பட்டப்பகலில் சொந்த குடும்பத்தினரே நடத்திய இந்த கொடூரத் தாக்குதல் காட்சி சமூக வலைத்தளங்களில் வெளியாகி பெரும் அதிர்ச்சியை ஏற்படுத்தியுள்ளது.