பெண்களிடம் அத்துமீறல்…! பைக்ல வந்து வம்பிழுத்த நபர்கள்… பயந்து ஓடாமல் போனை தூக்கிய பெண்கள்… இணையத்தில் வைரலாகும் பகீர் காட்சி…!!

ராஜஸ்தான் தலைநகர் ஜெய்ப்பூரில் இரவு நேரத்தில் பணி முடிந்து வீடு திரும்பிய இளம் பெண்கள் இருவரை, இருசக்கர வாகனத்தில் வந்த மர்ம நபர்கள் பின்தொடர்ந்து அநாகரிகமாக நடந்துகொண்ட சம்பவம் அதிர்ச்சியை ஏற்படுத்தியுள்ளது. அச்சமடைந்த பெண்கள், தங்களுக்கு நேர்ந்த அத்துமீறலைத் துணிச்சலாகத் தங்கள் கைபேசியில் படம்பிடித்துள்ளனர். இந்த வீடியோ காட்சிகள் தற்போது சமூக வலைதளங்களில் வேகமாகப் பரவி, பொதுவெளியில் பெண்களின் நடமாட்ட சுதந்திரம் மற்றும் அவர்களின் இரவு நேரப் பாதுகாப்பு குறித்துப் பொதுமக்கள் மத்தியில் பெரும் விவாதத்தையும் ஆதங்கத்தையும் கிளப்பியுள்ளது.

சமூக வலைத்தளங்களில் இக்காட்சிகள் கடும் கண்டனங்களை ஈர்த்து வரும் அதேவேளையில், இச்சம்பவம் தொடர்பாகக் காவல்துறை தரப்பிலிருந்து இன்னும் விரிவான விளக்கம் எதுவும் அளிக்கப்படவில்லை. அத்துமீறலில் ஈடுபட்ட நபர்கள் மீது வழக்குப் பதிவு செய்யப்பட்டுள்ளதா அல்லது அவர்கள் அடையாளம் காணப்பட்டு கைது செய்யப்பட்டுள்ளனரா என்பது குறித்த அதிகாரப்பூர்வத் தகவல்கள் இன்னமும் வெளியாகவில்லை. குற்றவாளிகளை உடனடியாகக் கண்டறிந்து கடுமையான நடவடிக்கை எடுக்க வேண்டும் என்ற கோரிக்கை பொதுமக்களிடையே வலுத்து வருகிறது.