தமிழகத்தில் திமுக அரசு ஆட்சிக்கு வந்த பிறகு கடந்த நான்கரை ஆண்டுகளில் ஏராளமான திட்டங்கள் செயல்படுத்தப்பட்டுள்ளது. குறிப்பாக பெண்களுக்காக அரசு இலவச பேருந்து திட்டம், மகளிர் உரிமைத் தொகை, சுய உதவி குழுக்களுக்கு கடன் தள்ளுபடி என ஏராளமான திட்டங்களை செயல்படுத்தியுள்ளது. இதனால் தமிழக முழுவதும் லட்சக்கணக்கான பெண்கள் பயனடைந்துள்ளனர். அதேசமயம் கிடப்பிலிருந்த திட்டங்களையும் தற்போது தேர்தல் நெருங்கும் சூழலில் திமுக மீண்டும் செயல்படுத்தி வருகின்றது. விடுபட்ட பெண்களுக்கு இந்த மாதம் மகளிர் உரிமைத்தொகை வழங்கப்படும் எனவும் அறிவிக்கப்பட்டுள்ளது.
இப்படி அடுத்தடுத்த பெண்களுக்காக ஏராளமான திட்டங்களை அரசு செயல்படுத்தி வரும் நிலையில் சட்டசபை தேர்தல் நெருங்கும் சூழலில் மக்களை கவர அரசு பல திட்டங்களை பரிசீலனை செய்து வருகிறது. அதன்படி மகளிர் விடியல் பயணத்தைப் போல ஆண்களுக்கும் இலவச பேருந்து பயணத் திட்டத்தை அறிவிக்க அரசு திட்டமிட்டுள்ளதாக தகவல் வெளியாகி உள்ளது. நீ அறுபது வயதிற்கு மேற்பட்ட ஆண்களுக்கான விடியல் பயணத்திட்டம் குறித்து அறிவிப்பு அடுத்த ஓரிரு மாதங்களில் வெளியாகும் என்று எதிர்பார்க்கப்படுகிறது.