“நீ கருப்பா இருக்க.. எனக்கு அழகான புருஷன் தான் வேணும்”… நள்ளிரவில் கதவைத் திறந்துவிட்ட மனைவி: தூக்கத்தில் துடிதுடித்த கணவன்… குலை நடுங்க வைக்கும் சம்பவம்….!

மத்தியப் பிரதேச மாநிலம் தார் மாவட்டத்தில் உள்ள கோண்டிகேடா கிராமத்தில் அரங்கேறியுள்ள இந்த கொடூரக் கொலைச் சம்பவம், ஒட்டுமொத்தப் பகுதியையும் அதிர்ச்சியில் ஆழ்த்தியுள்ளது. தொடக்கத்தில், நள்ளிரவில் புகுந்த கொள்ளையர்கள் தனது கணவர் தேவகிருஷ்ணாவைத் தாக்கி கொலை செய்துவிட்டதாகவும், நகைகளைத் திருடிச் சென்றதாகவும் அவரது மனைவி பிரியங்கா நாடகமாடினார். ரத்த வெள்ளத்தில் கிடந்த கணவனைப் பார்த்து அவர் கதறி அழுததைக் கண்டு போலீசாரும் முதற்கட்டமாக அதனை கொள்ளை முயற்சி என்றே கருதினர்.

இருப்பினும், காவல்துறையினரின் கிடுக்கிப்பிடி விசாரணையில் அந்தப் பெண்ணின் பகீர் வாக்குமூலம் வெளிவந்தது. தேவகிருஷ்ணாவின் குடும்பத்தினரிடம் நடத்திய விசாரணையில், தம்பதியிடையே நீண்ட நாட்களாகத் தகராறு இருந்தது தெரியவந்தது. குறிப்பாக, “நீ கருப்பாக இருக்கிறாய், நான் உன்னை விட அழகான ஒருவருக்குத் தகுதியானவள்” என்று கூறி பிரியங்கா தனது கணவரைத் தொடர்ச்சியாக அவமானப்படுத்தி வந்துள்ளார். இந்த நிறவெறியும், கணவர் மீதான வெறுப்புமே ஒரு திட்டமிட்ட படுபாதகச் செயலுக்கு வித்திட்டுள்ளது.

விசாரணையில், பிரியங்காவிற்கு கமலேஷ் என்ற நபருடன் கடந்த 2020-ஆம் ஆண்டு முதல் ரகசியக் காதல் உறவு இருந்தது அம்பலமானது. தங்களது காதலுக்குத் தடையாக இருந்த கணவனைத் தீர்த்துக்கட்ட, ஒரு லட்சம் ரூபாய் பேசி சுரேந்திரா என்ற கூலிப்படை நபரை அவர்கள் ஒப்பந்தம் செய்துள்ளனர். சம்பவத்தன்று இரவு, பிரியங்கா வீட்டின் கதவைத் திறந்துவிட, உள்ளே புகுந்த காதலனும் அவனது நண்பனும் உறங்கிக் கொண்டிருந்த தேவகிருஷ்ணாவை ஆயுதங்களால் தாக்கி கொடூரமாகக் கொலை செய்துள்ளனர்.

கொலைக்குப் பிறகு, பீரோவில் இருந்த நகை மற்றும் பணத்தைச் சிதறடித்து இது கொள்ளைச் சம்பவம் போலக் காட்ட அவர்கள் முயன்றனர். ஆனால், மனைவியின் நடத்தையில் ஏற்பட்ட சந்தேகமும், அவர் அடிக்கடி கணவரின் நிறத்தைக் குறித்துப் பேசிய வார்த்தைகளும் கொலையாளிகளைக் காட்டிக்கொடுத்துவிட்டன. தற்போது பிரியங்கா, அவரது காதலன் கமலேஷ் மற்றும் கூட்டாளி சுரேந்திரா ஆகிய மூவரையும் போலீசார் கைது செய்து சிறையில் அடைத்துள்ளனர். ஒரு பெண்ணே தனது கணவனை நிறத்திற்காகக் கொலை செய்த இச்சம்பவம் அப்பகுதியில் பெரும் பரபரப்பை ஏற்படுத்தியுள்ளது.