தமிழ் சினிமாவில் ஒவ்வொரு காலகட்டத்திலும் ஒவ்வொரு படங்கள் வெளிவந்து கொண்டு தான் இருக்கிறது. ஆனால் இன்றைய சூழலில் பார்க்க போனால் பட ரிலீஸ் தேதி என்று அறிவிக்கிறார்கள். பின்னால் அதை தள்ளி வைக்கிறார்கள். ரசிகர்கள் இதனால் ஏமாற்றம் அடைகிறார்கள். எதற்காக இந்த ரிலீஸ் தேதிகளில் இத்தனை குழப்பம். OTT தளங்கள் தான் இதற்கெல்லாம் காரணமா? அவை ஆதிக்கம் செலுத்துகிறதா என்பதை பற்றி இனி காண்போம்.
உண்மையில் பார்க்க போனால் படம் ரிலீஸ் தேதிகளில் OTT தளங்கள் ஆதிக்கம் செலுத்துகிறதா என்று கேட்டால் ஆம் அது உண்மைதான். ஏனென்றால் கொரோனா காலகட்டத்திற்கு முன்பு இந்த OTT தளங்களில் படம் ரிலீஸ் என்பதே கிடையாது. அப்போது அவர்கள் அறிவித்த தேதியில் படத்தை ரிலீஸ் செய்வார்கள். கொரோனா காலகட்டத்தில் மக்கள் வீட்டுக்குள்ளேயே முடங்கிப் போனதால் படங்கள் அனைத்தும் OTT யில் வெளியாக வேண்டிய நிர்ப்பந்தம் ஏற்பட்டது. தற்போது அதுவே வழக்கமாக மாறிவிட்டது. என்னதான் தியேட்டரில் சென்று படம் பார்த்தால் கூட மக்கள் வீட்டிலேயே தங்களது டிவியில் விருப்பமான தின்பண்டங்களை கையில் வைத்து தனிமையாக தங்கள் விருப்பப்பட்ட நடிகர்களின் படங்களை OTT யில் பார்ப்பதற்கு விரும்புகிறார்கள். இதற்கான மவுசும் இருந்து கொண்டு தான் இருக்கிறது.
அதனால் ஒரு படத்தை எடுத்து முடித்த பின்பு அதை ரிலீஸ் செய்து தயாரிப்பாளர் எப்படி லாபம் ஈட்ட வேண்டும் என்று எதிர்பார்க்கிறாரோ அதேபோல அந்த படத்திற்கு பல கோடி முதலீடு செய்து வாங்கும் OTT தளங்களும் லாப நோக்கத்தையே மையமாகக் கொண்டிருக்கிறது. அதாவது ஒரு படத்தை இப்போதுதான் OTT யில் ரிலீஸ் செய்ய வேண்டும் அதற்கு அடுத்ததாக ஒரு பெரிய படம் ரிலீஸ் ஆகிறது என்றால் அதற்கு இவ்வளவு கால இடைவேளை இருக்க வேண்டும் அப்பொழுதுதான் லாபம் பெற முடியும் என்று ஒரு ஷெட்யூல் வைத்து அதன்படி நடக்கிறார்கள்.
ஏற்கனவே விடாமுயற்சி பொங்கலுக்கு ரிலீஸ் என்று கூறி தற்போது பிப்ரவரி 6க்கு ரிலீஸ் என்று அறிவித்திருக்கிறார்கள்.GoodBadUgly திரைப்படம் ஏப்ரல் 10 வருவதாக இருக்கிறது. வீரதீரசூரன் மார்ச் 27ஆம் தேதி வருவதாக கூறப்பட்டிருந்தது. தற்போது இந்த விடாமுயற்சி பொங்கலுக்கு ரிலீசாகாமல் பிப்ரவரி ஆறாம் தேதிக்கு தள்ளப்பட்டதால் இதன் காரணமாக GoodBadUgly திரைப்படம் ரிலீஸ் தள்ளி போகலாம் என்று பேச்சுக்கள் நிலவி வருகிறது. இதற்கு காரணம் இந்த படத்தை வாங்கி இருக்கும் Netflix OTT தளம் தான் என்றும் கூறப்படுகிறது.
பிப்ரவரி மாதம் விடாமுயற்சி ரிலீஸ் ஆன பிறகு அதற்கு அடுத்ததாக இரண்டு மாதங்கள் கழித்து ஏப்ரல் மாதம் அது OTTயில் வெளியாகும். அந்த மாதம் GoodBadUgly வெளியானால் அதிலிருந்து மே மாதமோ ஜூன் மாதமோ GoodBadUgly படத்தை OTT யில் ரிலீஸ் செய்தால் கண்டிப்பாக விடாமுயற்சி டவுன் ஆகும் லாபம் ஈட்ட முடியாது. இதற்கிடையில் விக்ரம் நடித்த வீர தீர சூரன் திரைப்படத்திற்கும் எதிர்பார்ப்பு இருப்பதால் அதை நடுவில் ரிலீஸ் செய்தாலும் அவர்கள் சரியான லாபம் பார்க்க முடியாது என்று தற்போது GoodBadUgly, வீரதீர சூரன் ஆகிய படங்களின் ரிலீஸ் தேதி தள்ளி வைக்க கோரி Netflix தயாரிப்பாளர்களிடம் பேசி இருப்பதாக கூறப்படுகிறது. இது போன்ற படம் ரிலீஸ் தேதிகளில் OTT தளங்கள் தலையீடு செய்து ஆதிக்கம் செலுத்துகிறது என்பது நிதர்சனமான உண்மையாக இன்றைய சினிமாவில் நடந்து கொண்டு இருக்கிறது.