“உங்க வங்கி கணக்கில் பணம் திருடப்பட்டதா?”… ரூ.25,000 வழங்கும் ரிசர்வ் வங்கி… இதோ முழு விவரம்….!

இந்திய ரிசர்வ் வங்கி, ஆன்லைன் மற்றும் OTP மோசடிகளால் பாதிக்கப்படும் சாமானிய மக்களுக்கு உதவும் வகையில் ஒரு புதிய இழப்பீட்டுத் திட்டத்தை அறிவித்துள்ளது. நாட்டில் நடைபெறும் வங்கி மோசடிகளில் சுமார் 65 சதவீதம் ரூ. 50,000-க்கும் குறைவான தொகை கொண்டவை என்பதை வங்கி கண்டறிந்துள்ளது. எனவே, இத்தகைய சிறிய அளவிலான மோசடிகளால் பாதிக்கப்படும் வாடிக்கையாளர்களுக்கு விரைவான நிவாரணம் வழங்குவதே இந்த நடவடிக்கையின் முக்கிய நோக்கமாகும்.

இந்த புதிய விதிமுறையின்படி, ரூ. 25,000 வரை பணத்தை இழந்த வாடிக்கையாளர்களுக்கு அந்தத் தொகை முழுமையாகத் திருப்பி அளிக்கப்படும். இதற்காக வாடிக்கையாளரிடம் எந்தக் கேள்வியும் கேட்கப்படாது என்பது குறிப்பிடத்தக்கது. இந்த இழப்பீட்டுத் தொகையில் 15 சதவீதத்தை வங்கியும், 15 சதவீதத்தை வாடிக்கையாளரும் ஏற்க வேண்டும்; மீதமுள்ள பெரும் பகுதியை ரிசர்வ் வங்கியே ஏற்கும். ஆனால், இந்த சலுகை ஒரு வாடிக்கையாளருக்கு ஒரு முறை மட்டுமே வழங்கப்படும் என்று தெளிவுபடுத்தப்பட்டுள்ளது.

மோசடி நடந்தால் வாடிக்கையாளர்கள் செய்ய வேண்டிய நடவடிக்கைகள் குறித்தும் ரிசர்வ் வங்கி அறிவுறுத்தியுள்ளது. பணம் திருடப்பட்டதை அறிந்தவுடன் உடனடியாக வங்கியின் வாடிக்கையாளர் சேவை மையத்தை அழைத்து கணக்கை முடக்க வேண்டும். மேலும், 1930 என்ற சைபர் கிரைம் உதவி எண்ணைத் தொடர்புகொண்டு புகார் அளிக்க வேண்டும். UPI PIN மற்றும் மொபைல் வங்கி செயலிகளின் கடவுச்சொற்களை உடனடியாக மாற்றுவது அவசியம்.

இறுதியாக, இத்தகைய இழப்பீட்டுத் திட்டங்கள் இருந்தாலும், மக்கள் எப்போதும் விழிப்புடன் இருக்க வேண்டும் என்று மத்திய வங்கி எச்சரித்துள்ளது. தெரியாத நபர்களிடம் OTP பகிரக் கூடாது என்றும், சந்தேகத்திற்கிடமான இணைப்புகளை கிளிக் செய்ய வேண்டாம் என்றும் கேட்டுக்கொள்ளப்பட்டுள்ளது. வாடிக்கையாளர்கள் மீண்டும் மீண்டும் கவனக்குறைவாகச் செயல்பட்டு மோசடியில் சிக்கினால், இந்த இழப்பீட்டுத் திட்டத்தின் கீழ் பலன் பெற முடியாது என்பதையும் ரிசர்வ் வங்கி வலியுறுத்தியுள்ளது.