தமிழகத்தில் சட்டமன்ற தேர்தலுக்கு இன்னும் ஓராண்டு மட்டுமே உள்ளதால் தேர்தல் களம் இப்போதே அனல் பறக்க தொடங்கிவிட்டது. 2026 சட்டமன்ற தேர்தலில் பலமுனை போட்டி ஏற்படும் சூழல் ஏற்பட்டுள்ளது. திமுக கூட்டணி ஒரு பக்கம் வலுவாக உள்ளது. மற்றொரு பக்கம் எதிர்க்கட்சியான அதிமுக மீண்டும் பாஜகவுடன் கூட்டணி அமைத்துள்ளது. அரசியலுக்கு புதிதாக என்ட்ரி கொடுத்துள்ள நடிகர் விஜய் தலைமையிலான தமிழக வெற்றி கழகம் தனித்து களமிறங்கவே அதிக வாய்ப்புள்ளதாக தெரிகின்றது. வழக்கம்போல சீமானின் நாம் தமிழர் கட்சி தனித்துப் போட்டியிடவே அதிக வாய்ப்புள்ளது.
இப்படி பல முனை போட்டி ஏற்பட்டுள்ள நிலையில் தமிழக மக்கள் மனநிலை பற்றி Vote Vibe நடத்திய சர்வே முடிவுகள் வெளியாகி உள்ளது. இதில் 41% பேர் திமுகவுக்கு எதிராகவும், முப்பத்தி ஒரு சதவீதம் பெயர் ஆதரவாகவும் கருத்து கூறியுள்ளனர். வயது அடிப்படையில் இளைஞர்கள் மத்தியில் தான் திமுக ஆட்சியிடம் அதிக அதிருப்தி உள்ளது. அடுத்து அதிமுக மற்றும் பாஜக கூட்டணியை 42 சதவீதம் பேர் வரவேற்றுள்ளனர், 34 சதவீதம் பேர் வேண்டாம் என கருத்து கூறுகிறார்கள். தமிழக வெற்றி கழகம் கட்சிக்கு 12 சதவீதம் பேர் ஆதரவு தெரிவித்த நிலையில் தமிழகத்தில் மூன்றாம் இடத்தை விஜய் பிடித்துள்ளார். இதனால் தமிழகத்தில் அடுத்த ஆண்டு ஆட்சியைப் பிடிக்கப் போவது யார் என்ற குழப்பம் தொடர்ந்து நீடிக்கிறது.