“சிறுமி மூச்சு விடும்போதெல்லாம் வந்த விசில் சத்தம்” தவெக சின்னம் தான் காரணமா..? கடந்த ஆண்டே நடந்த சம்பவத்தால் குழப்பம்… வதந்திகளுக்கு முற்றுப்புள்ளி…!!

திருவண்ணாமலை மாவட்டத்தில் சிறுமி ஒருவர் விளையாடும்போது எதிர்பாராதவிதமாக விசிலை விழுங்கிய சம்பவம் பெரும் பரபரப்பை ஏற்படுத்தியுள்ளது. விசிலை விழுங்கிய பிறகு அந்தச் சிறுமி மூச்சு விடும்போதெல்லாம் அவரிடமிருந்து விசில் சத்தம் கேட்டுள்ளது. இதைக் கண்டு அதிர்ச்சியடைந்த பெற்றோர், உடனடியாக அவரை மருத்துவமனையில் அனுமதித்தனர். அங்கு சிறுமியைப் பரிசோதித்த மருத்துவர்கள், அதிநவீன சிகிச்சையின் மூலம் அவரது வயிற்றில் இருந்த விசிலை வெற்றிகரமாக அகற்றி உயிரைக் காப்பாற்றினர்.

நடிகர் விஜய்யின் தமிழக வெற்றிக் கழகத்திற்கு இந்திய தேர்தல் ஆணையம் ‘விசில்’ சின்னத்தை ஒதுக்கியுள்ள நிலையில், தவெக தொண்டர்களும் சிறுவர்களும் விசில்களை வாங்கி உற்சாகமாகக் கொண்டாடி வருகின்றனர். இதன் காரணமாகவே இச்சிறுமியும் விசிலுடன் விளையாடி இருக்கலாம் என்ற வதந்திகள் பரவின. இருப்பினும், இச்சம்பவம் கடந்த 2025-ம் ஆண்டு நவம்பர் மாதமே நடந்துள்ளது தற்போது உறுதியாகியுள்ளது. எனவே, கட்சியின் சின்னம் அறிவிக்கப்படுவதற்கு முன்பே இச்சம்பவம் நடந்திருப்பதால், இதற்கும் அரசியல் நிகழ்வுகளுக்கும் தொடர்பில்லை என்பது தெளிவுபடுத்தப்பட்டுள்ளது.