அரசியல் வரலாற்றில் முதல்முறை!… ராகவ் சத்தா செய்த ‘அந்த’ ஒரு தவறு… ஒரே நாளில் 10 லட்சம் பேர் ‘கட்’!… ராகவ் சத்தாவுக்கு இளைஞர்கள் கொடுத்த மரண அடி…!!!

ஆம் ஆத்மி கட்சியின் முக்கிய முகமாக அறியப்பட்ட ராகவ் சத்தா, சமீபத்தில் அதிரடியாக பாரதிய ஜனதா கட்சியில் இணைந்தது இந்திய அரசியலில் பெரும் புயலைக் கிளப்பியுள்ளது. குறிப்பாக, சமூக வலைதளங்களில் இளைஞர்கள் மத்தியில் பெரும் செல்வாக்கு கொண்டிருந்த அவருக்கு, இந்த முடிவு டிஜிட்டல் ரீதியாகப் பெரும் சரிவைத் தந்துள்ளது. அவர் பாஜகவில் இணைந்த சில மணிநேரங்களிலேயே, அவரது இன்ஸ்டாகிராம் பக்கத்தைப் பின்தொடர்ந்தவர்களில் சுமார் 10 லட்சத்திற்கும் மேற்பட்டோர் (1 Million) ஒரே நாளில் அவரை ‘அன்பாலோ’ செய்திருப்பது அரசியல் மற்றும் தொழில்நுட்ப வட்டாரத்தில் பெரும் அதிர்ச்சியை ஏற்படுத்தியுள்ளது.

இந்தத் திடீர் வீழ்ச்சிக்கு ‘ஜென்-இசட்’ (Gen Z) தலைமுறை இளைஞர்களின் கடும் எதிர்ப்பே முக்கிய காரணமாகக் கருதப்படுகிறது. ராகவ் சத்தாவின் ஆரம்பகால அரசியல் கொள்கைகளுக்கும், தற்போதைய கட்சி மாற்றத்திற்கும் இடையே உள்ள முரண்பாடுகளைச் சுட்டிக்காட்டி இளைஞர்கள் சமூக வலைதளங்களில் விமர்சனங்களை முன்வைத்து வருகின்றனர். ஒரு மாற்றத்திற்காக அவரைப் பின்தொடர்ந்த தாங்கள், தற்போது அவர் அதிகாரத்திற்காகப் பழைய பாதையைத் தேர்ந்தெடுத்ததாகக் கருதி இளைஞர்கள் தங்களது எதிர்ப்பைப் பதிவு செய்து வருகின்றனர். இதன் விளைவாக, அவரது ஃபாலோயர்களின் எண்ணிக்கை 55 லட்சத்தில் இருந்து 44 லட்சமாக மளமளவெனக் குறைந்துள்ளது.

ராகவ் சத்தா அளித்த விளக்கங்கள் எடுபடாத நிலையில், அவர் பதிவிடும் ஒவ்வொரு போஸ்ட்டிற்கும் கீழே ‘Unfollow’ ஹேஷ்டேக்குகளை உருவாக்கி இளைஞர்கள் ட்ரெண்ட் செய்து வருகின்றனர். ஒரு காலத்தில் அவரது உடை அலங்காரம் மற்றும் பேச்சாற்றலைப் பாராட்டியவர்களே, இன்று அவரது அரசியல் நிலைப்பாட்டைக் கேலி செய்து மீம்களைப் பகிர்ந்து வருகின்றனர். இந்தியாவில் எந்த ஒரு அரசியல்வாதிக்கும் ஏற்படாத இந்த மிகப்பெரிய டிஜிட்டல் சரிவு, அரசியலில் மாற்றத்தை விரும்பும் இளைஞர்களை ஏமாற்றினால் ஏற்படும் விளைவுகளுக்கு ஒரு முக்கிய உதாரணமாக மாறியுள்ளது.