Cyclone Alert… “இது சும்மா ட்ரைலர், இனி தான் மழையின் ஆட்டமே”…. தமிழகத்தை புரட்டி எடுக்கப்போகும் கனமழை…!

கன்னியாகுமரி கடல் மற்றும் இந்திய பெருங்கடல் பகுதிகளில் நிலவும் வளிமண்டல மேலடுக்க சுழற்சி காரணமாக வருகின்ற நவம்பர் 25ஆம் தேதி குமரி கடல் மற்றும் தென்மேற்கு வங்கக்கடல் பகுதிகளில் குறைந்த காற்றழுத்த தாழ்வு பகுதி உருவாக உள்ளதாக இந்திய வானிலை ஆய்வு மையம் தகவல் தெரிவித்துள்ளது. இதனால் தூத்துக்குடி, தென்காசி, நெல்லை மற்றும் குமரி மாவட்டங்களில் மிக கனமழை பெய்ய வாய்ப்பு உள்ளதாக எச்சரித்துள்ளது. இன்று முதல் நாளை காலை வரை டெல்டா பகுதிகள் முதல் தென் தமிழகம் வரை பலத்த கன மழை பெய்யும் என்று எதிர்பார்க்கப்படுகிறது. டெல்டா மற்றும் தென் தமிழக மாவட்டங்களில் இன்று முழுவதும் இரவு நேரத்திலும் கனமழை தொடரும்.

இலங்கைக்கு அருகில் உள்ள வளிமண்டல மேலடுக்க சுழற்சி மெதுவாக புயலாக மாறுகிறது. இதனால் தமிழகத்தின் பெரும்பாலான மாவட்டங்களில் மழைக்கு வாய்ப்புள்ளது. குறிப்பாக நெல்லை மற்றும் தென்காசி மாவட்டங்களில் இன்று மிக கனமழை பெய்யும் என ஆரஞ்ச் அலர்ட் விடுக்கப்பட்டுள்ளது. மேலும் குமரி, தூத்துக்குடி, விருதுநகர், ராமநாதபுரம், சிவகங்கை, புதுக்கோட்டை, தஞ்சாவூர், திருவாரூர், நாகை, மயிலாடுதுறை ஆகிய மாவட்டங்களில் கன மழை பெய்யும் என கணிக்கப்பட்டுள்ளது. வங்கக்கடலில் உருவாகியுள்ள காற்றழுத்த தாழ்வு பகுதி காரணமாக நவம்பர் 29ஆம் தேதி வரை தமிழகத்தில் பரவலாக மழை பெய்யும் என தெரிவிக்கப்பட்டுள்ளது