விரைவில் ஹீரோவாக மாறுகிறாரா நடிகர் விஜய் மகன் ஜேசன் சஞ்சய்? – பிரபல தயாரிப்பாளருடன் திடீர் சந்திப்பால் கோலிவுட்டில் பரபரப்பு!

நடிகர் விஜயின் மகன் ஜேசன் சஞ்சய் தனது அப்பா விஜய் போல சினிமாவில் ஹீரோவாக விரும்பாமல் தனது தாத்தா எஸ் ஏ சந்திரசேகர் போல பெரிய டைரக்டராக வரவேண்டும் என்ற ஆசையில் திரைப்பட இயக்குனராக களத்தில் இறங்கினார். அவர் இயக்கிய முதல் படம் சிம்கா. தெலுங்கு நடிகர் சந்தீப் கிஷன் ஹீரோவாக நடித்த இந்த படம் விரைவில் திரைக்கு வர இருக்கிறது. இந்த படத்தை லைகா புரடக்சன்ஸ் நிறுவனம் தயாரித்துள்ளது.

பல ஆண்டுகளுக்கு முன்பு தனது அப்பா நடிகர் விஜயுடன் வேட்டைக்காரன் என்ற படத்தில் நான் அடிச்சா தாங்க மாட்டே என்ற ஒரு பாடல் காட்சியில் சிறுவனாக ஆடியவர்தான் ஜேசன் சஞ்சய். இப்போது அவர் இயக்கிய சிம்கா படத்திலும் ஒரு பாடல் காட்சியில் நடிகை கேத்தரின் தெரசாவுடன் அவர் சேர்ந்து சில நிமிடங்கள் நடனமாடி இருக்கிறார்.

மேலும் துபாயை சேர்ந்த தொழிலதிபர் டிடிடி படத்தின் தயாரிப்பாளர் கண்ணன் ரவியுடன் ஜேசன் சஞ்சய் சமீபத்தில் நேரில் சந்தித்து இருக்கிறார். இந்த சந்திப்பின்போது அவர்கள் இருவரும் அடுத்த படம் குறித்து பேசியதாக தெரிகிறது. தொழிலதிபர் கண்ணன் ரவி தயாரிக்கும் படத்தில் ஜேசன் சஞ்சய் ஹீரோவாக நடிக்க வாய்ப்பு இருப்பதாக ஒரு தகவல் வேகமாக பரவி வருகிறது. அல்லது அவர் தயாரிக்கும் படத்தை அவர் 2வது படமாக டைரக்ட் செய்யவும் வாய்ப்புள்ளது.