“பக்கத்து ஸ்டேட்காரனே காரி துப்பிட்டான்”…. விஜய்யை பங்கமாக கலாய்த்த கேரள இளைஞர்…. வைரலாகும் வீடியோ….!

தமிழக அரசியலில் நிகழக்கூடிய ஒவ்வொரு நிகழ்வும் தற்போது மக்களின் கவனத்தை ஈர்க்கும் வகையில் மாறி வருகிறது. குறிப்பாக சமீபத்தில் கரூரில் நடந்த சம்பவம் சமூக வலைத்தளங்களில் பல விவாதங்களை ஏற்படுத்தி உள்ளது. கரூர் துயர சம்பவத்தில் 41 பேர் உயிரிழந்த நிலையிலும் நடிகரும் தமிழக வெற்றிக்கனாக தலைவருமான விஜய் வெளியிட்ட வீடியோ உணர்ச்சி பூர்வமில்லாமல் சினிமா பாணியில் இருந்ததாக பலரும் விமர்சனம் செய்து வருகிறார்கள். எதிர்க்கட்சி தலைவர்கள் மற்றும் அரசியல் விமர்சகர்கள் என பலரும் தொடர்ந்து விமர்சித்து வருகின்றன.

இந்நிலையில் கேரளாவை சேர்ந்த ஒரு நபர் விஜய் வெளியிட்ட வீடியோவை பார்த்து கிண்டலாக சிரித்ததோடு கடுமையாக விமர்சனம் செய்துள்ளார். குறிப்பாக, நீங்கள் முதல்வரிடம் சினிமா வசனம் மாதிரியான சவால் விடுகிறீர்கள், அதற்கெல்லாம் கைதட்டும் உங்கள் தொண்டர்களுக்கு அறிவே கிடையாதா என்று அந்த நபர் கேள்வி எழுப்பியுள்ளார். மேலும் அவன் நடிக்கிறான் டா, அரசியல் செய்யறது அல்ல டா என்ற பேச்சும் பரபரப்பை ஏற்படுத்தியுள்ளது.

மேலும் உங்கள் வாழ்க்கையை ஒரு நடிகனின் பின்னால் சென்று தொலைத்து விட வேண்டாம், அவர் செய்வது தவறு, நேர்மையற்றது என்று அந்த நபர் தெரிவித்துள்ளார். இதனைத் தொடர்ந்து சமூக வலைத்தளங்களில் பக்கத்து மாநிலத்தவர் உண்மையை சொல்கிறார் என பலரும் கருத்துக்களை கூறி வருகிறார்கள். தற்போது அந்த வீடியோ இணையத்தில் வைரலாகி வருகிறது.