திக் திக் திக்… 7 ஆண்டுகள் அறைக்குள் பூட்டி வைத்த கொடூரன்… கொரோனா காலத்தில் தப்பிய சிறுமி… அம்பலமான பகீர் உண்மை… நெஞ்சை பதறவைக்கும் சம்பவம்…!

கொடூரமாகக் கடத்தப்பட்டு ஏழு ஆண்டுகள் இருண்ட உலகிற்குள் முடக்கப்பட்ட ஒரு சிறுமி, கொரோனா பெருந்தொற்று காலத்தில் துணிச்சலாகத் தப்பித்துத் தன் தாயுடன் மீண்டும் இணைந்த உண்மைச் சம்பவம் இதுவாகும். 2013-இல் தனது 9 வயதில் பள்ளியிலிருந்து அம்மாவிடம் செல்லும்போது, கேக் வாங்கித் தருவதாக ஏமாற்றி வாங் தாவின் என்ற மனிதரால் கடத்தப்பட்டாள் ஜாங் மௌயுன். சிறுமியைப் பல இடங்களுக்கு மாற்றி, கடுமையான அச்சுறுத்தல்களுடனும் உடல் ரீதியான தாக்குதல்களுடனும் அவளது அடையாளத்தை மறைத்து, தன்னை “அப்பா” என்று அழைக்கக் கட்டாயப்படுத்தி வீடற்ற ஒரு சிறைவாசியைப் போலத் தன் கட்டுப்பாட்டுக்குள் வைத்திருக்கிறான் அந்தக் கொடூரன்.

வெளியுலகத் தொடர்பின்றி ஒரு சிறிய அறையிலேயே அடைக்கப்பட்டுத் துயரங்களை அனுபவித்த சிறுமி, பலமுறை தப்பிக்கும் முயற்சிகள் தோல்வியடைந்த நிலையிலும் தன் தாயை மீண்டும் பார்க்க வேண்டும் என்ற நம்பிக்கையை மட்டும் கைவிடவில்லை. 2020 பிப்ரவரி 27 அன்று, ஊரடங்கு சோதனைச் சாவடி அமைக்கப்பட்டிருந்த நேரத்தில், வாங் தாவின் நடத்திய தாக்குதலிலிருந்து தப்பித்து ஓடிவந்து அங்கிருந்த காவல் துறையினரிடம் பாதுகாப்பு கோரினாள். தான் கடத்தப்பட்டதையும் தனது உண்மைப் பின்னணியையும் அவள் துணிச்சலாகக் கூறியதையடுத்து, காவல்துறையினர் தீவிர விசாரணை மேற்கொண்டு கடத்தல்காரனை மடக்கிப் பிடித்தனர்.

https://twitter.com/blackym25/status/2115120913440198973/video/1

மறுபுறம், மகளைப் பிரிந்த தாய் ஜூ மௌஷி, 7 ஆண்டுகளாகத் தன் மகளைத் தேடி 2,600-க்கும் மேற்பட்ட சுவரொட்டிகளை ஒட்டி, நாடு முழுவதும் அலைந்து திரிந்து கொண்டிருந்தார். காவல்துறையினரின் டி.என்.ஏ பரிசோதனை மூலம் தாயும் மகளும் உறுதிசெய்யப்பட்டு, 7 நீண்ட ஆண்டுகளுக்குப் பிறகு கண்ணீர்மல்க மீண்டும் ஒன்றுசேர்ந்தனர். மார்ச் 10, 2020 அன்று, குழந்தையைக் கடத்தியது மற்றும் போலி ஆவணங்களைத் தயாரித்தது போன்ற குற்றங்களுக்காகக் கடத்தல்காரன் வாங் தாவின் மீது அதிகாரப்பூர்வமாகக் கைது நடவடிக்கை எடுக்கப்பட்டது.