உயர் நீதிமன்ற உத்தரவைத் தொடர்ந்து, திமுக அமைச்சர் கே.என்.நேரு மீது எழுந்துள்ள ஊழல் புகார்கள் தமிழக அரசியலில் பெரும் பரபரப்பை ஏற்படுத்தியுள்ளன. சுமார் 1,020 கோடி ரூபாய் மதிப்பிலான இந்த முறைகேட்டை அமலாக்கத் துறை ஏற்கனவே வெளிக்கொண்டு வந்த நிலையில், தற்போது நீதிமன்றம் தலையிட்டு வழக்குப் பதிவு செய்ய ஆணையிட்டுள்ளது. இது முதலமைச்சர் மு.க. ஸ்டாலின் தலைமையிலான திமுக அரசுக்கு நிர்வாக ரீதியாகவும், அரசியல் ரீதியாகவும் பெரும் நெருக்கடியை உருவாக்கியுள்ளது .
இந்த விவகாரம் குறித்துக் கடுமையான கண்டனத்தைப் பதிவு செய்துள்ள தமிழக வெற்றிக் கழகத் தலைவர் விஜய், இதனை “கபட நாடகத் திமுக அரசின் ஆகப் பெரிய அவமானம்” என்று விமர்சித்துள்ளார் . ஊழல் மலிந்த ஆட்சியில் அமைச்சர்கள் மீதான இத்தகைய புகார்கள் துடைக்க முடியாத கறையாக மாறி வருவதாகவும், குற்றச்சாட்டிற்கு உள்ளான அமைச்சரை உடனடியாகப் பதவியில் இருந்து நீக்க வேண்டும் அல்லது அவராகவே முன்வந்து ராஜினாமா செய்ய வேண்டும் என்றும் அவர் வலியுறுத்தியுள்ளார்