தமிழகத்தில் 2026 ஆம் ஆண்டு சட்டமன்றத் தேர்தல் நெருங்கிக் கொண்டிருக்கும் நிலையில் அனைத்து அரசியல் கட்சிகளும் தீவிரமாக தேர்தல் பிரச்சாரத்தில் ஈடுபட்டு வருகின்றன. அதன்படி தமிழக வெற்றி கழகம் கட்சியின் தலைவர் விஜய் தன்னுடைய முதல் தேர்தல் பிரச்சாரத்தை கடந்த வாரம் திருச்சியில் தொடங்கினார். திருச்சியில் தேர்தல் பிரச்சாரத்தை முடித்த கையோடு அரியலூர் சென்று இருந்தார். இதனைத் தொடர்ந்து இந்த வாரம் தேர்தல் பிரச்சாரத்திற்காக விஜய் நாகை வந்துள்ளார். பலவிதமான கட்டுப்பாடுகளுக்கு நடுவே விஜய் நாகையில் சற்றுமுன் தன்னுடைய தேர்தல் பிரச்சாரத்தை தொடங்கினார்.
அதில், மீனவ பிரச்சினைகளுக்கு கடிதம் எழுதிவிட்டு கபட நாடகம் போடும் அரசாக திமுக உள்ளது. ஒவ்வொரு முறை வெளிநாட்டு பயணம் முடித்துவிட்டு தாயகம் வரும் முதல்வர் ஸ்டாலின் பலகோடி முதலீடுகளை ஈர்த்த தாக கூறுகின்றார். உண்மையிலேயே மனசு தொட்டு சொல்லுங்க ஸ்டாலின், வெளிநாட்டு முதலீடா அல்லது வெளிநாட்டில் உங்களின் முதலீடா? தமிழ்நாட்டுக்காக முதலீடா அல்லது உங்க குடும்பத்திற்கான முதலீட்டை வெளிநாட்டில் செய்துவிட்டு வரிங்களா. தேர்தலுக்கு முன்னர் இதை செய்வோம் அதை செய்வோம் என சொன்ன திமுகவினர் அதையெல்லாம் செய்தார்களா என விஜய் கேள்வி எழுப்பியுள்ளார்.