CINEMA
சூப்பர் ஹிட் படத்தை மிஸ் செய்த சித்தார்த்… வாய்ப்பை பயன்படுத்தி சம்பவம் செய்த விஜய் ஆண்டனி… எந்த படம் தெரியுமா…?
தமிழ் சினிமாவின் முன்னணி நடிகராகவும், இசையமைப்பாளராகவும் வலம் வருபவர் விஜய் ஆண்டனி. இவர் நடிப்பில் வெளிவந்த பல படங்கள் சூப்பர் ஹிட் ஆகி உள்ளது. அப்படி ஹிட் அடித்த திரைப்படங்களில் ஒன்றுதான் பிச்சைக்காரன். இத்திரைப்படம் 2016 ஆம் ஆண்டு வெளிவந்து ரசிகர்கள் மத்தியில் நல்ல வரவேற்பை பெற்றது. இத்திரைப்படத்தை இயக்குனர் சசி இயக்கி இருந்தார்.
முதல் பாகத்தின் வெற்றியை தொடர்ந்து 7 வருடங்களுக்கு பிறகு ‘பிச்சைக்காரன் 2’ திரைப்படம் ரிலீஸ் ஆனது. இத்திரைப்படத்திற்கும் மக்கள் மத்தியில் நல்ல வரவேற்பு இருந்தது. மேலும் வசூலிலும் சாதனை படைத்து வருகிறது. பிச்சைக்காரன் 2 திரைப்படத்தின் ரிலீசை தொடர்ந்து நடிகர் விஜய் ஆண்டனி ரோட்டில் இருக்கும் பிச்சைக்காரர்களுக்கு தேவையான ஒரு சில பொருட்களை இலவசமாக வழங்கினார்.
இது தொடர்பான புகைப்படங்களும் இணையத்தில் வெளியாகி வைரலானது. தற்பொழுது பிச்சைக்காரன் திரைப்படத்தை மிஸ் செய்த பிரபல நடிகர் பற்றிய தகவல் இணையத்தில் வெளியாகியுள்ளது. அவர் வேறு யாரும் இல்லை நடிகர் சித்தார்த் தான். முதலில் பிச்சைக்காரன் கதையை சித்தார்த்திடம் கூறியபோது அவர் இப்படத்தில் நடிக்க ஆர்வம் காட்டவில்லையாம்.
ஏனென்றால் இயக்குனர் சசி அப்போது கூறிய கதை வேறு. அதன்பின் அந்த கதையில் சிறு மாற்றங்களை கொண்டு வந்து விஜய் ஆண்டனியிடம் கதையை கூறியுள்ளார். அவரும் ஓகே சொல்லி படத்தில் நடித்துள்ளார். படத்தை பார்த்த சித்தார்த், இப்படத்தில் நடிக்காததுக்காக நடிகர் சித்தார்த் வருத்தப்பட்டதாகவும் இயக்குனர் சசி கூறியுள்ளார்.