“என் முடிவு அவங்க கையில தான் இருக்கு”…. திருமாவளவன் சொன்ன அந்த ஒரு வார்த்தை…. விஜய்க்கு ஷாக் கொடுத்த கம்யூனிஸ்டுகள்….. திருமாவின் ரகசிய திட்டம் இதுதானா….?

தமிழகத்தில் அண்மையில் நடைபெற்ற சட்டமன்றத் தேர்தலில், முதலமைச்சர் விஜய் தலைமையிலான தமிழக வெற்றிக் கழகம் பெரும்பான்மை பெற்று ஆட்சி அமைத்த நிலையில், தற்போது இரண்டு தொகுதிகளுக்கு இடைத்தேர்தல் அறிவிக்கப்பட்டுள்ளது. ஏற்கனவே தவெகவுக்கு ஆதரவளித்த கம்யூனிஸ்ட் கட்சிகள் (சிபிஐ, சிபிஎம்) இந்த இடைத்தேர்தலில் தவெக வேட்பாளர்களை ஆதரிக்காமல் தனித்து போட்டியிடுவதாக அறிவித்துள்ளது தவெக தலைமைக்கு பெரும் பின்னடைவாகவும், அரசியல் களத்தில் புதிய திருப்பமாகவும் பார்க்கப்படுகிறது.

கடந்த தேர்தலில் தனித்து ஆட்சி அமைக்கும் பலம் இல்லாத சூழலில், காங்கிரஸ், விசிக மற்றும் ஐயுஎம்எல் ஆகிய கட்சிகள் தவெக அமைச்சரவையில் இணைந்து ஆதரவளித்தன. அதேவேளையில், கம்யூனிஸ்ட் கட்சிகள் அரசுக்கு வெளியில் இருந்து ஆதரவு தெரிவித்து அமைச்சரவை வாய்ப்பை மறுத்துவிட்டன. தற்போது அதிமுகவில் இருந்து விலகி தவெகவில் இணைந்த முன்னாள் எம்எல்ஏக்களுக்கே இடைத்தேர்தலில் மீண்டும் வாய்ப்பளிக்கப்பட்டுள்ளது. இதில் கம்யூனிஸ்ட் கட்சிகளின் தனித்து போட்டி என்ற முடிவு, தவெக கூட்டணியின் சலசலப்புகளை வெளிப்படுத்தியுள்ளது.

இடைத்தேர்தல் சூழலில், “கம்யூனிஸ்ட் கட்சிகளின் முடிவை ஒட்டியே எனது முடிவும் இருக்கும்” என்று தொடக்கத்தில் கூறியிருந்த விடுதலைச் சிறுத்தைகள் கட்சி தலைவர் தொல். திருமாவளவனின் நிலைப்பாடு குறித்து பலத்த கேள்விகள் எழுந்தன. இடதுசாரிகள் தனித்துப் போட்டியிடும் முடிவை எடுத்ததால், திருமாவளவனும் அதே பாதையைத் தேர்ந்தெடுப்பாரா அல்லது தவெகவுக்கு ஆதரவு அளிப்பாரா என்ற எதிர்பார்ப்பு நிலவி வந்தது.

இருப்பினும், அனைத்து ஊகங்களுக்கும் முற்றுப்புள்ளி வைக்கும் விதமாக, தவெக தலைமையிலான ‘மதச்சார்பற்ற சமூகநீதி வெற்றிக் கூட்டணி’ சார்பாக களம் இறங்கும் வேட்பாளர்களுக்கு விசிக முழு ஆதரவு அளிக்கும் என திருமாவளவன் அதிகாரப்பூர்வமாக அறிவித்துள்ளார். மதச்சார்பற்ற கொள்கைகளையும் சமூகநீதியையும் பாதுகாக்கும் நீண்டகால நோக்கில் தவெகவுடனான கூட்டணி பயணத்தை விசிக தொடரும் என்றும், இடைத்தேர்தல் வெற்றிக்கு பாடுபடும் என்றும் அவர் தெளிவுபடுத்தியுள்ளார்.