“சட்டசபையில பதில் சொல்லாம ஓடக்கூடாது”…. நேரலையிலேயே முதல்வர் விஜய்க்கு ஆப்பு வச்ச விஜய் சேதுபதி?…. கடுப்பில் தவெக தொண்டர்கள்….!

பிக்பாஸ் நிகழ்ச்சியில் நடிகர் விஜய் சேதுபதி போட்டியாளர்களுக்குக் கூறிய சில அறிவுரைகள், தமிழக முதல்வர் விஜய் மற்றும் அவரது தமிழக வெற்றிக் கழகத் தொண்டர்களிடையே பெரும் அதிர்வலைகளை ஏற்படுத்தியுள்ளன. பிக்பாஸ் மேடையில் பேசிய விஜய் சேதுபதி, வாக்குறுதிகளை நிறைவேற்றாமல் எதிர்க்கட்சிகள் கேள்வி கேட்கும்போது, பழியை மற்றவர் மீது போட்டுவிட்டு வெளியேறுவது சிறந்த தலைமைப் பண்பு அல்ல என்றும், அது மக்களை ஏமாற்றும் செயல் என்றும் காட்டமாகக் குறிப்பிட்டிருந்தார். இந்த விவாதம் ஆறிவதற்குள், “அதிகாரம் ஒரு போதை” என்றும், அவையில் எதிர்க்கட்சிகள்தான் வெளிநடப்பு செய்ய வேண்டுமே தவிர, ஆளுங்கட்சி அல்ல என்றும் அவர் பேசிய அடுத்தடுத்த கருத்துகள் தவெகவினரை மேலும் கொந்தளிக்கச் செய்துள்ளன.

சமீபத்தில் நடந்த சட்டமன்றக் கூட்டத்தொடரில், எதிர்க்கட்சித் தலைவர் உதயநிதி ஸ்டாலின் எழுப்பிய கேள்விகளுக்கு உடனடியாகப் பதிலளிக்காமல், “திங்கள்கிழமை பதிலளிக்கிறேன்” எனக் கூறிவிட்டு முதல்வர் விஜய் வெளிநடப்பு செய்த நிகழ்வு பெரும் விவாதப் பொருளானது. அந்தச் சம்பவத்தைச் சுட்டிக்காட்டிதான் விஜய் சேதுபதி பிக்பாஸ் மேடையில் மறைமுகமாகத் தாக்குதல் நடத்துகிறார் என விஜய் ரசிகர்கள் உறுதியாக நம்புகின்றனர். போட்டியாளர்களுக்குச் சொல்வது போல் தோற்றமளித்தாலும், தற்போதைய அரசியல் சூழலை மையமாகக் கொண்டே அவர் இந்த விமர்சனங்களை முன்வைப்பதாகக் கூறி சமூக வலைத்தளங்களில் தவெக தொண்டர்கள் தங்கள் எதிர்ப்பைப் பதிவு செய்து வருகின்றனர்.

இதன் காரணமாக, இணையதளங்களில் விஜய் ரசிகர்களுக்கும் விஜய் சேதுபதியின் ஆதரவாளர்களுக்கும் இடையே கடுமையான கருத்து மோதல் வெடித்துள்ளது. விஜய் சேதுபதி பிக்பாஸ் தொகுப்பாளராக தனது எல்லையைத் தாண்டி, அரசியல் உள்நோக்கத்தோடு ஆளுங்கட்சியையும் முதல்வரையும் மறைமுகமாக விமர்சிப்பதாக தவெகவினர் குற்றம்சாட்டுகின்றனர். திரையிலும் நிஜத்திலும் தங்களின் தலைவரை இலக்கு வைத்துப் பேசப்படும் எந்தவொரு விமர்சனத்தையும் ஏற்றுக்கொள்ள முடியாது எனக் கூறி, இணையத்தில் விஜய் சேதுபதிக்கு எதிராகத் தங்களது கண்டனக் குரல்களை விஜய் ரசிகர்கள் தீவிரப்படுத்தி வருகின்றனர்.