கோவை தெற்கு தொகுதியில் திமுக சார்பில் செந்தில்பாலாஜி தரப்பினர் ஒவ்வொரு வாக்காளருக்கும் தலா ₹5,000 வழங்கி வருவதாக பாஜக தேசிய மகளிர் அணி தலைவி வானதி சீனிவாசன் அதிரடி குற்றச்சாட்டை முன்வைத்துள்ளார். கோவை வடக்கு தொகுதியில் பாஜக மாநிலத் தலைவர் அண்ணாமலையுடன் இணைந்து தீவிர வாக்குச் சேகரிப்பில் ஈடுபட்ட அவர், டாஸ்மாக் முறைகேடுகள் மற்றும் காவிரி மணல் கொள்ளை மூலம் ஈட்டிய சட்டவிரோதப் பணத்தைக் கொண்டே கோவையில் செந்தில்பாலாஜி இந்தத் தேர்தல் செலவுகளைச் செய்து வருவதாகக் கடுமையாகச் சாடினார்.
இதுமட்டுமின்றி, தமிழகத்தின் இன்னும் சில தொகுதிகளில் திமுகவினர் ₹2,500 வரை பண விநியோகம் செய்து வருவதாகவும், அதிகார பலத்தைப் பயன்படுத்தி ஜனநாயகத்தை அவர்கள் விலைபேச முயற்சிப்பதாகவும் வானதி சீனிவாசன் தனது பரப்புரையின் போது குற்றம்சாட்டியுள்ளார்.