பாட்டு எழுதி கொண்டு வருவார் என்று நம்பிய MSV… வாய்ப்பளித்தவரையே கைவிட்ட வாலி…

கவிஞர் வாலி தமிழ் சினிமாவில் பணியாற்றிய புகழ்பெற்ற பாடல் ஆசிரியர் ஆவார். ரங்காராஜன் என்ற இயற்பெயரை கொண்ட வாலி திருச்சி மாவட்டத்தில் பிறந்து வளர்ந்தவர். இவர் எழுதிய பாண்டவர் பூமி, கிருஷ்ண விஜயம் ஆகிய கவிதை தொகுப்புகள் மிகவும் புகழ்பெற்றவை ஆகும்.

சிறுவயதில் இருந்து எழுத்தில் மீது ஆர்வம் கொண்டிருந்த வாலி தனது நண்பர்கள் துணையுடன் நேதாஜி என்ற கையெழுத்து பத்திரிகை துவங்கி நடத்தினார். அதன் முதல் பிரதியை கல்கி வெளியிட்டார். திருவரைங்கத்தில் வாலி நடத்திய கையெழுத்து பத்திரிக்கையில் பல இளைஞர்கள் பங்கேற்றுக்கொண்டனர். அப்படி பங்கேற்றுக் கொண்டவர்களில் புகழ்பெற்றவர் தான் சுஜாதா.

கவிஞர் வாலி எம் ஜி ஆர் சிவாஜி போன்ற முன்னணி நடிகர்களின் திரைப்படங்களுக்கு பல வெற்றி பாடல்களை எழுதி இருக்கிறார். குறிப்பாக எம்ஜிஆரின் பல திரைப்படங்களுக்கு பாடல் எழுதியவர் வாலி தான். அன்றைய காலகட்டத்தில் அரசியலிலும் சினிமாவிலும் எம்ஜிஆர் இருந்ததால் இரண்டையும் சம்பந்தப்படுத்தி அவரது பாடல்களில் வார்த்தைகள் இருக்க வேண்டும் என்று விரும்புவார் எம்ஜிஆர். அவர் என்ன மனதில் நினைக்கிறாரோ அதை அப்படியே வார்த்தைகளில் எழுதி விடுவார் வாலி. எம்ஜிஆரின் மீது அதீத அன்பு கொண்டிருந்தார் வாலி.

வாலியின் திறமையை பார்த்து சினிமாவில் பாடல் எழுதும் வாய்ப்பைக் கொடுத்தவர் எம்எஸ் விஸ்வநாதன். MSV இசையில் பல திரைப்படங்களுக்கு வாலியை தான் சிபாரிசு செய்வார். அப்படி வாலி மீது அதிக நம்பிக்கை கொண்டிருந்தவர் MSV. ஒருமுறை எம்.எஸ்.வி வைத்த நம்பிக்கையை வாலி உடைத்துவிட்டார். அது என்ன சம்பவம் என்பதை பற்றி இனி காண்போம்.

எம்ஜிஆர் நடித்த திரைப்படம் அன்பே வா படத்திற்கு கவிஞர் வாலியை பாடல் எழுத சொல்லியிருந்தார் MSV. அப்போது பாடலின் ஆரம்பம் மெட்டு மட்டும் போட்டு கொடுத்து பாடல் எழுதுமாறு வாலியிடம் கூறியிருக்கிறார் MSV. வாலி எப்படியும் பாடல் எழுதி கொண்டு வந்துருவார் என்று அந்த பாடலுக்கு முழு மெட்டையும் போட்டு முடித்துவிட்டார் MSV. ஆனால் வாலி வெறுங்கையோடு வந்து உங்களுடைய மெட்டுக்கு என்னால் பாடல் எழுத முடியவில்லை வார்த்தைகள் வரவில்லை என்று கூறியிருக்கிறார். சற்று ஏமாற்றம் அடைந்த எம்.எஸ்.வி. சரி பரவாயில்லை நாம் புது மெட்டு போட்டுக் கொள்ளலாம் என்று புது மெட்டை உருவாக்கி இருக்கிறார். அப்படி வந்த பாடல் தான் அன்பே வா. இந்த பாடல் மிகப் பிரபலமாக ஆனது.