பல ஆண்டுகளுக்கு முன்பு நடிகர் அஜீத்குமாருடன் ராஜா என்ற படத்தில் நடிகர் வடிவேலு நடித்தார். அப்போது அஜீத்குமாரை ஷூட்டிங் இடைவேளையில் வடிவேலு ஒருமையில் அழைத்து பேசியதால் கடுப்பான அஜீத்குமார், இனி வடிவேலு தனது படங்களில் நடிக்க கூடாது என உத்தரவே போட்டுள்ளார். அது இன்று வரை தொடர்கிறது.
படிக்காதவன் என்ற படத்தில் தனுஷ் உடன் வடிவேலு சில நாட்கள் அலர்ட் ஆறுமுகம் கேரக்டரில் படப்பிடிப்பில் பங்கேற்று நடித்திருக்கிறார். ஆனால் சில காட்சிகளில் அவர் நடிக்க மறுத்து அந்த படத்தில் இருந்து விலகி விட்டார். அதன்பிறகு தான் அலர்ட் ஆறுமுகம் என்ற கேரக்டரில் உள்ளூர் தாதாவாக நடித்து காமெடியில் நடிகர் விவேக் அசத்தியிருப்பார்.
இந்த படத்தில் தமன்னாவின் அப்பா நடிகர் சுமன் காலை பிடித்து அமுக்குவது போன்ற காமெடி காட்சியில் விவேக் யதார்த்தமாக நடித்திருப்பார். அதுபோன்ற காட்சிகளில் நடிக்க மறுத்துதான் நடிகர் வடிவேலு விலகியிருப்பார் என்று தெரிகிறது. அத்துடன் நடிகர் தனுஷூடன் இதுவரை நடிகர் வடிவேலு ஒரு படத்தில் கூட இணைந்து நடித்தது இல்லை. படிக்காதவன் படம் ஒன்றுதான் அவர் சில நாட்கள் நடித்து விலகிய படம் என்பதும் ரசிகர்கள் அறியாத ஷாக்கான டிவிஸ்ட் ஆக உள்ளது.