CINEMA
செகண்ட் இன்னிங்ஸில் முட்டி மோதி செல்லுபடி ஆகாத வடிவேலு.. சின்னத்திரையில் கல்லாகட்ட கிளம்பிய வைகைப்புயல்..!
தமிழ் சினிமாவில் மிகவும் பிரபலமான நடிகர்களில் ஒருவராக இருப்பவர் நடிகர் வடிவேலு. இவர் கடந்த பல வருடங்களாக நடிக்காமல் இருந்து வந்த நிலையில் மீண்டும் தனது செகண்ட் இன்னிங்ஸ் தொடங்கியிருந்தார். அந்த வகையில் நாய் சேகர் ரிட்டன்ஸ் இவருக்கு மிகப்பெரிய தோல்வியை கொடுத்தது. இருப்பினும் மாமன்னன் திரைப்படம் நல்ல வரவேற்பு கொடுத்திருந்தது.
ஆனாலும் இந்த திரைப்படத்தில் நகைச்சுவை கதாபாத்திரமாக இல்லாமல் சீரியஸ் கதாபாத்திரத்தில் நடித்திருந்தார் வடிவேலு. அதனை அடுத்து பெரிதாக பட வாய்ப்புகள் எதுவும் இல்லாத காரணத்தினால் தற்போது சின்னத்திரை பக்கம் சென்று விட்டார் என்று வலைப்பேச்சு அந்தணன் பேசி இருப்பது தற்போது பரபரப்பு ஏற்படுத்தியுள்ளது. தொடர்ந்து விஜய் டிவி மற்றும் சன் டிவி களுக்கு இடையே போட்டி இருந்து வருவது தெரிந்த ஒன்றுதான்.
விஜய் டிவியில் தற்போது இளம் தலைமுறையினர்களை கவரும் வகையில் தொடர்ந்து பிக் பாஸ், குக்கு வைத்து கோமாளி, டான்ஸ் நிகழ்ச்சி, பாடல் நிகழ்ச்சி என ஒளிபரப்பாகி வருகின்றது. அதிலும் குக் வித் கோமாளி நிகழ்ச்சி மிகப்பெரிய அளவில் பிரபலம் அடைந்ததை தொடர்ந்து தற்போது 5-வது சீசன் ஒளிபரப்பாகி வருகின்றது. இந்த சீசனில் வெங்கடேஷ் பட் திடீரென விலகிய நிலையில் அவரைத் தொடர்ந்து அந்நிகழ்ச்சியின் இயக்குனர் மற்றும் தயாரிப்பாளர் அடுத்தடுத்து விலகி விட்டன.
இதை அடுத்து சன் டிவியில் புது நிகழ்ச்சி ஒன்று தொடங்கி இருக்கிறார்கள். குக்கு வித் கோமாளி நிகழ்ச்சிக்கு போட்டியாக டாப் குக்கு டூப்பு குக்கு என்ற பெயரில் புது நிகழ்ச்சியை தொடங்கி இருக்கிறார்கள். இது தொடர்பான ப்ரோமோ நேற்று வெளியானது. இதில் வெங்கடேஷ் பட் இணைந்து இருக்கின்றார். மற்றொரு பிரபலமாக வடிவேலு இந்த நிகழ்ச்சியில் இணைகிறார் என வலைப்பேச்சு அந்தணன் தெரிவித்திருக்கின்றார்.
