நடிகர் ரஜினிகாந்தின் மூத்த மகள் ஐஸ்வர்யா 3 என்ற படத்தை இயக்கி தமிழ் சினிமாவில் இயக்குனராக அறிமுகமானார். இந்த படத்தில் தனுஷ் கதாநாயகனாக நடித்திருந்தார். இந்த படத்தை தொடர்ந்து வை ராஜா வை, லால் சலாம் ஆகிய படங்களை ஐஸ்வர்யா ரஜினிகாந்த் இயக்கினார். ஆனால் இந்த படங்கள் பெரிய அளவில் வெற்றி பெறவில்லை.
இந்நிலையில் ஐஸ்வர்யா ரஜினிகாந்த் புதிய படம் ஒன்றை டைரக்ட் செய்ய ஒப்பந்தமாகி உள்ளார். துபாயை சேர்ந்த கண்ணன் ரவி குரூப்ஸ் நிறுவனம் தயாரிக்கும் 9வது படத்தை ஐஸ்வர்யா ரஜினிகாந்த் டைரக்ட் செய்கிறார். இந்த படத்தில் நடிக்க உள்ள நடிகர் நடிகர்கள் குறித்த விவரம் விரைவில் வெளியாகும் என்று எதிர்பார்க்கப்படுகிறது.
மேலும் இந்த படத்தில் இசையமைக்க யுவன் சங்கர் ராஜா கமிட் செய்யப்பட்டுள்ளார். ஏற்கனவே இவர் ஐஸ்வர்யா இயக்கிய வை ராஜா வை படத்தில் இசையமைப்பாளராக பணியாற்றியவர். 2வது முறையாக மீண்டும் ஐஸ்வர்யா ரஜினிகாந்த் இயக்கும் படத்தில் அவர் இசையமைக்க உள்ளார் என்பது குறிப்பிடத்தக்கது.