திமுக முன்னாள் தலைவர் மற்றும் முன்னாள் முதல்வர் கருணாநிதியின் பேரனும் தற்போதைய முதல்வர் ஸ்டாலினின் மகனும் தான் உதயநிதி ஸ்டாலின். இவர் சினிமா தயாரிப்பாளராக அறிமுகமாகி பல முன்னணி நடிகர்களின் படங்களை தன்னுடைய ரெட் ஜெயன்ட் மூவிஸ் நிறுவனம் மூலமாக தயாரித்து பிரபலமானார். தயாரிப்பாளராக வெற்றி நடை போட்ட உதயநிதி ராஜேஷ் இயக்கத்தில் கடந்த 2012 ஆம் ஆண்டு வெளியான ஒரு கல் ஒரு கண்ணாடி திரைப்படம் மூலமாக ஹீரோவாக அறிமுகமானார்.
அதனைத் தொடர்ந்து சைக்கோ, நெஞ்சுக்கு நீதி, கழகத் தலைவன் மற்றும் மாமன்னன் உள்ளிட்ட படங்களில் நடித்தார். பிறகு சினிமாவில் இருந்து ஒதுங்கிய உதயநிதி கடந்த 2021 ஆம் ஆண்டு நடைபெற்ற சட்டமன்ற தேர்தலில் சேப்பாக்கம் திருவல்லிக்கேணி தொகுதியில் போட்டியிட்ட வெற்றி பெற்றார். சட்டமன்ற உறுப்பினராக தேர்வு செய்யப்பட்ட இவர் பிறகு விளையாட்டுத்துறை மற்றும் இளைஞர் நலன் மேம்பாட்டு துறை அமைச்சராக தேர்ந்தெடுக்கப்பட்டார். அதன் பிறகு கடந்த ஆண்டு இறுதியில் துணை முதல்வர் பதவியும் இவருக்கு வழங்கப்பட்டது.
இப்படியான நிலையில் சினிமா மற்றும் அரசியலில் சாதித்த உதயநிதி ஸ்டாலின் சொத்து மதிப்பு குறித்த தகவல் வெளியாகி உள்ளது. அதிமுக மற்றும் பாஜக என மாறிமாறி திமுக மீது உதயநிதி மீது ஊழல் புகார்களை கூறிவரும் நிலையில் உதயநிதியின் சொத்து மதிப்பு எவ்வளவு என்ற பேச்சு எழுந்துள்ளது. அதன்படி 2021 தேர்தலில் ECI இல் அவர் அளித்த பிரமாண பத்திரத்தில் ரேஞ்ச் ரோவர் கார், 1600 கிராம் தங்கம், வங்கி இருப்பு என மொத்தம் 4.89 கோடியும், இன்சூரன்ஸ் பாலிசிகள், பாண்டுகள், பங்குகள் என மொத்தம் 21.13 கோடியும் சொத்துக்கள் இருப்பதாக கூறப்பட்டுள்ளது. தற்போது இந்த செய்தி இணையத்தில் வைரல் ஆகிய வருகிறது.