சென்னை சேப்பாக்கம் தொகுதியில் நடந்த விழாவில் பேசிய துணை முதல்வர் உதயநிதி ஸ்டாலின், மத்திய அமைச்சர் அமித்ஷாவின் விமர்சனங்களுக்குக் கடும் பதிலடி கொடுத்துள்ளார். தன்னை முதல்வராக்க விடமாட்டோம் என்று அமித்ஷா கூறியதற்கு, “நான் எப்போது முதல்வர் பதவி கேட்டேன்?” என்று கேள்வி எழுப்பிய உதயநிதி, அமித்ஷா எப்போதும் தன்னைப் பற்றியே சிந்தித்துக் கொண்டிருப்பதாகக் கிண்டல் செய்தார்.
பாஜகவின் மிரட்டல்களுக்கு அடிபணியத் தாங்கள் அதிமுக கிடையாது என்றும், பேரறிஞர் அண்ணாவால் உருவாக்கப்பட்ட உறுதியான திமுக என்றும் அவர் ஆவேசமாக கூறினார். வருகிற 2026 சட்டமன்றத் தேர்தலில் திமுக 200 தொகுதிகளுக்கு மேல் வெற்றி பெற்று மீண்டும் ஆட்சி அமைப்பது உறுதி.
புதிதாக அரசியலுக்கு வருபவர்கள் வெறும் காகித அட்டை போன்றவர்கள். லேசான காற்று அடித்தாலே அவர்கள் காணாமல் போய்விடுவார்கள். அமித்ஷாவின் உருட்டல்களுக்குத் தமிழக மக்கள் பணிய மாட்டார்கள். மீண்டும் ஸ்டாலினையே முதல்வராக்குவார்கள் என்று உதயநிதி ஸ்டாலின் திட்டவட்டமாகக் கூறினார்.