மத்திய அரசின் பொதுத்துறை நிறுவனமான கொச்சி கப்பல் கட்டும் தளத்தில், ஐ.டி.ஐ (ITI) முடித்தவர்களுக்காக 210 பணியாளர் இடங்கள் காலியாக உள்ளன. வெல்டர், பிட்டர், எலக்ட்ரீஷியன் உள்ளிட்ட பல்வேறு பிரிவுகளில் அறிவிக்கப்பட்டுள்ள இந்தப் பணிகள் முற்றிலும் நிரந்தரமானவை. 10-ஆம் வகுப்புடன் சம்பந்தப்பட்ட துறையில் ஐ.டி.ஐ சான்றிதழ் மற்றும் 5 ஆண்டுக்கால பணி அனுபவம் கொண்டவர்கள் இதற்கு விண்ணப்பிக்கலாம். விண்ணப்பதாரர்கள் 35 வயதிற்கு உட்பட்டவராக இருக்க வேண்டும். அரசு விதிப்படி வயது தளர்வு உண்டு.
தேர்வு செய்யப்படுபவர்களுக்குத் தகுதியின் அடிப்படையில் மாதம் 22,500 ரூபாய் முதல் அதிகபட்சமாக 73,750 ரூபாய் வரை ஊதியம் வழங்கப்படும். எழுத்துத் தேர்வு மற்றும் செய்முறைத் தேர்வு என இரண்டு கட்டங்களாக ஆட்கள் தேர்வு செய்யப்பட உள்ளனர். தகுதியுள்ளவர்கள் 2026 ஜனவரி 23-ஆம் தேதிக்குள் https://cochinshipyard.in/ என்ற இணையதளம் வாயிலாக ஆன்லைனில் விண்ணப்பிக்க வேண்டும். பொதுப்பிரிவினருக்கு 700 ரூபாய் கட்டணம் நிர்ணயிக்கப்பட்டுள்ள நிலையில், எஸ்சி/எஸ்டி பிரிவினருக்குக் கட்டணம் ஏதுமில்லை.