நடிகர் தனுஷ் இயக்கி உள்ள “இட்லி கடை” படத்தை அக்டோபர் 1 ஆம் தேதி ரெட் ஜெயன்ட் மூவிஸ் வெளியிடுகிறது. இந்நிலையில் உதயநிதி மகன் இன்பநிதிக்கு ரெட் ஜெயண்ட் நிறுவனத்தின் CEO பதவி வழங்கப்பட்டு, தயாரிப்பில் ஈடுபட உள்ளார். அவர் தனது தந்தையைப் போலவே, விநியோகஸ்தராக தனது கேரியரை தொடங்கியுள்ளார்.
“குருவி”, “விண்ணைத்தாண்டி வருவாயா” போன்ற படத்தின் மூலம் உதயநிதி ஸ்டாலின் விநியோகஸ்தராக உருவெடுத்தார். மேலும் பல படங்களில் சிறப்பு தோற்றத்தில் நடித்து, கதாநாயகன் ஆகினார். மேலும் 2018 ஆம் ஆண்டு அரசியலில் கவனம் செலுத்த தொடங்கிய உதயநிதி ஸ்டாலின், 2019-ல் இளைஞர் அணி செயலாளராக தேர்ந்தெடுக்கப்பட்டார். மேலும் பல தேர்தல்களில் போட்டியிட்டு, தற்போது துணை முதலமைச்சராக பொறுப்பேற்றுள்ளார். இதேபோல் தந்தை வழியில் செல்லும் இன்பநிதியும் தற்பொழுது விநியோகஸ்தராக திரைத்துறையில் காலடி எடுத்து வைத்துள்ளார். விரைவில் அவர் கதாநாயகராகவும் அறிமுகமாக வாய்ப்புள்ளது என்று கூறப்படுகிறது. மேலும் தந்தை போலவே இன்ப நீதியும் திரைத்துறையில் இருந்து அரசியலுக்கு வருவதற்கான அதிக வாய்ப்புள்ளதாக தகவல்கள் வெளியாகி வருகிறது.