ஒரே கல்லில் இரண்டு மாங்காய்… ரயில் டிக்கெட் முதல் உணவு வரை – வந்துவிட்டது புதிய ‘சூப்பர் ஆப்..பணயகளுக்கு செம்ம சர்ப்ரிஸ்…!

இந்த புதிய மாற்றத்தின் மூலம், பயணிகள் பொதுவான (General) டிக்கெட்டுகள், நடைமேடை (Platform) டிக்கெட்டுகள் மற்றும் சீசன் பாஸ்களை இனி ‘ரயில் ஒன்’ செயலி வாயிலாகவே முன்பதிவு செய்ய வேண்டும். ஏற்கனவே யுடிஎஸ் செயலியைப் பயன்படுத்தி வந்த பயணிகள், தங்களின் பழைய பயனர் பெயர் (ID) மற்றும் கடவுச்சொல்லைப் பயன்படுத்தியே புதிய செயலியில் நுழைய முடியும். உங்கள் யுடிஎஸ் வாலட்டில் (R-Wallet) மீதமுள்ள பணம் பாதுகாப்பாக புதிய செயலிக்கு மாற்றப்படும் என்பதால் பயணிகள் அச்சப்படத் தேவையில்லை.

‘ரயில் ஒன்’ செயலியானது வெறும் டிக்கெட் முன்பதிவுக்காக மட்டும் அல்லாமல், பல்வேறு வசதிகளை ஒருங்கிணைத்து உருவாக்கப்பட்டுள்ளது. இதில் முன்பதிவு செய்யப்பட்ட டிக்கெட்டுகளைப் பெறுதல், ரயில்கள் தற்போது எங்கே வருகின்றன என்பதை அறியும் வசதி (Live Status), பிஎன்ஆர் (PNR) நிலை, உணவுகளை ஆர்டர் செய்தல் மற்றும் குறைகளைத் தெரிவிக்கும் ‘ரயில் மதாத்’ போன்ற அனைத்து சேவைகளும் ஒரே இடத்தில் வழங்கப்பட்டுள்ளன. இது பயணிகளுக்கு வெவ்வேறு பயன்பாடுகளுக்கு தனித்தனி செயலிகளைத் தேடும் சிரமத்தைக் குறைக்கும்.

டிஜிட்டல் பரிவர்த்தனைகளை ஊக்குவிக்கும் வகையில், ‘ரயில் ஒன்’ செயலி மூலம் முன்பதிவு செய்யப்படாத டிக்கெட்டுகளை எடுக்கும் பயணிகளுக்கு 3% தள்ளுபடி வழங்கப்படும் என்றும் அறிவிக்கப்பட்டுள்ளது. இந்தச் சலுகை 2026 ஜூலை 14 ஆம் தேதி வரை அமலில் இருக்கும். எனவே, ரயில் பயணிகள் சிரமமின்றி பயணிக்க மார்ச் 1-க்குள் ‘ரயில் ஒன்’ செயலியைத் தரவிறக்கம் செய்து அதைப் பயன்படுத்தப் பழகிக்கொள்ளுமாறு ரயில்வே நிர்வாகம் அறிவுறுத்தியுள்ளது.