விருதுநகர் மாவட்டம் சாத்தூர் தவெக நிர்வாகி லட்சுமணன் தனது ராஜபாளையம் தொகுதிக்குள் நுழைய முயன்றால் கொலை செய்துவிடுவேன் என அமைச்சர் ஜெகதீஸ்வரி மிரட்டல் விடுப்பதாக வெளியாகியுள்ள ஆடியோ பதிவு ஒன்று சமூக வலைதளங்களில் வைரலாகி பரபரப்பை ஏற்படுத்தியுள்ளது. திமுகவிலிருந்து விலகி தவெகவில் இணைந்து, சமீபத்தில் அக்கட்சியில் இருந்து நீக்கப்பட்ட முன்னாள் நிர்வாகி ராஜகுருவிடம் அமைச்சர் கடிந்துகொள்வது போல அமைந்துள்ள இந்த ஆடியோவால் அரசியல் வட்டாரத்தில் சலசலப்பு ஏற்பட்டுள்ள நிலையில், அமைச்சரின் நற்பெயருக்குக் களங்கம் விளைவிக்கும் நோக்கில் இதுபோன்று சோடிக்கப்பட்ட போலி ஆடியோவைப் பரப்பி வருவதாக அமைச்சரின் உதவியாளர் தரப்பில் திட்டவட்டமாக மறுப்பு தெரிவிக்கப்பட்டுள்ளது.
