தமிழ்நாட்டில் ஆபரணத் தங்கத்தின் விலை இன்று (பிப்ரவரி 12) அதிரடியாகக் குறைந்து நுகர்வோருக்குச் சற்று நிம்மதியை அளித்துள்ளது. நேற்று ஒரு கிராம் தங்கம் ரூ.14,790-க்கும், ஒரு சவரன் ரூ.1,18,320-க்கும் விற்பனை செய்யப்பட்ட நிலையில், இன்று கிராமுக்கு ரூ.190 சரிந்து ரூ.14,600 ஆகவும், சவரனுக்கு ரூ.1,520 குறைந்து ரூ.1,16,800 ஆகவும் விற்பனையாகிறது. இந்தத் திடீர் விலை வீழ்ச்சி நகை வாங்கக் காத்திருப்பவர்களிடையே மகிழ்ச்சியை ஏற்படுத்தியுள்ளது.
தங்கத்தின் விலை குறைந்திருந்தாலும், வெள்ளி விலையில் இன்று எந்த மாற்றமுமின்றி நிலைப்புத் தன்மை காணப்படுகிறது. ஒரு கிராம் வெள்ளி ரூ.300-க்கும், ஒரு கிலோ வெள்ளி ரூ.3 லட்சம் என்ற நேற்றைய விலையிலேயே இன்றும் விற்பனை செய்யப்பட்டு வருகிறது. சர்வதேச சந்தை நிலவரங்களுக்கு ஏற்ப தங்கத்தின் விலையில் இத்தகைய ஏற்ற இறக்கங்கள் காணப்படுவதாக நகை வியாபாரிகள் தெரிவிக்கின்றனர்.