“குரு புஷ்ய யோகம்”, தெய்வீக வலிமை கொண்டுள்ளதால், புதிய தொழில்களை தொடங்க இன்றைய நாள் (ஆகஸ்ட் 21, 2025 – வியாழக்கிழமை) ஏற்றது. இந்த தினம் அக்ஷய திருதியை விட அபூர்வமான தினமாகும். குருவிற்குரிய வியாழனும், பூச நட்சத்திரமும் இணைந்து வருவதே, குரு புஷ்ய யோக நாள். அக்ஷய திரிதியை ஆண்டுக்கு 1 முறை வரும், ஆனால் குரு புஷ்ய யோகம் ஆண்டிற்கு 2/ 3 முறை வரும். ஆகஸ்ட் 21 ஆம் தேதி, காலை 6.11 மணி முதல் மறுநாள் மதியம் 12 8 மணி வரை இந்த யோகம் வருகிறது.
அக்ஷய திருதியை விட, குருவின் நிறமான மஞ்சள் நிறத்தில் உள்ள தங்கத்தை இன்று வாங்கினால் மிக மிக யோகம். லக்ஷ்மி தாயார், பூச நட்சத்திரத்தை தேர்ந்தெடுத்து அந்நாளில் பிறந்ததாக கருதப்படுகிறது. பூச நட்சத்திரத்தில் பிறந்தவர்கள், இந்த குரு புஷ்ய யோக நாளில் தங்கம் வாங்கினால், எதிர்காலத்தில் உச்சத்தை அடைவார்கள் என்பது ஐதீகம். இந்த சிறப்பு மிக்க நாளில், திருச்செந்தூரில் உள்ள முருகப்பெருமானையும் அதன் சுற்றுப் பிரகாரத்தில் உள்ள குருவையும் வணங்குவது மிக நல்லது. புதிய சிகிச்சைகள், உடற்பயிற்சி நடைமுறைகளை தொடங்குவதற்கு இந்த நாள் சிறந்த நாளாக விளங்குகிறது. திருமணம் முடிக்க, சொத்துக்களை வாங்க, இந்த நாள் சிறந்த நாள்.
குரு புஷ்ய யோக நாளில் எதை மேற்கொள்ளலாம்
- புதிய வாகனம் வாங்குவது
- தங்கம், வெள்ளி வாங்குவதால் நல்ல அதிர்ஷ்டத்தை அளிக்கும்
- புதிய வணிக நிறுவனம் தொடங்க ஏற்ற நாள்.
- மந்திரம் மற்றும் தந்திரத்தை கற்றுக்கொள்வது
- பெரியவர்கள், குரு அல்லது ஆசிரியரிடம் அறிவைப் பெறுதல், ஆசி பெறுதல்
- புதிய கட்டிடத்திற்கு அடிக்கல் நாட்டுதல்
- தர்மம், தானம் செய்யலாம்
இந்த புண்ணிய நாளில் தொடங்கவிருக்கும் அனைத்து முயற்சிகளும், 99.99 % வெற்றியைத் அளிக்கிறது.