இந்தியாவின் குடியரசுத் துணைத் தலைவர் பதவிக்கான தேர்தலானது வரும் செப்டம்பர் 9-ஆம் தேதி நடைபெற உள்ளது. இந்த நிலையில், தேசிய ஜனநாயகக் கூட்டணியின் (NDA) வேட்பாளராக மகாராஷ்டிரா மாநில ஆளுநராகப் பதவி வகிக்கும் சி.பி.ராதாகிருஷ்ணன் அவர்கள் தேர்வு செய்யப்பட்டுள்ளார் . NDA கூட்டணியின் துணை ஜனாதிபதி வேட்பாளரான சி.பி.ராதாகிருஷ்ணனை ஆதரிக்க வேண்டும் என்று திமுகவுக்கும் கோரிக்கை விடுக்கப்பட்டு வருகிறது.
இந்நிலையில் துணை ஜனாதிபதி தேர்தலுக்கான NDA வேட்பாளர் CP ராதாகிருஷ்ணனுக்கு பாமக தலைவர் ராமதாஸ், தேமுதிக தலைவர் பிரேமலதா ஆகியோர் ஆதரவு தெரிவித்துள்ளது அரசியல் திருப்பத்தை ஏற்படுத்தியுள்ளது. துணை ஜனாதிபதி வேட்பாளர்கள் CP ராதாகிருஷ்ணன் நல்ல தேர்வு என ராமதாஸ் கூறியுள்ள நிலையில், தமிழர் ஒருவர் துணை ஜனாதிபதியாக வர அனைவரும் ஆதரவு அளிக்க வேண்டும் என்று பிரேமலதா கூறியுள்ளார். 2026 சட்டமன்ற தேர்தலில் அவர்கள் NDA அணியில் இணைவதற்கான அச்சாரம் என்று அரசியல் நோக்கர்கள் கூறுகின்றனர்.