குஜராத் மாநிலம் மெக்சானா மாவட்டத்தில் உள்ள விஸ்நகரில், பட்டப்பகலில் துணிச்சலான நகைக்கடைத் திருட்டு சம்பவம் ஒன்று நடந்துள்ளது. அடையாளம் தெரியாத மூன்று பெண்கள் இந்தச் சம்பவத்தில் ஈடுபட்டு, ரொக்கப் பணம் மற்றும் நகைகளைக் கொள்ளையடித்துச் சென்றுள்ளனர்.
நகைக்கடைக்குள் நுழைந்த அந்த மூன்று பெண்களும், கடைக்காரரின் கவனத்தைச் சாமர்த்தியமாகத் திசைதிருப்பி இந்தத் திருட்டில் ஈடுபட்டுள்ளனர். கடையில் இருந்த ரூ. 2.5 லட்சம் ரொக்கப் பணம் மற்றும் ரூ. 7.02 லட்சம் மதிப்புள்ள தங்கம், வெள்ளி நகைகள் என மொத்தம் ரூ. 9.52 லட்சம் மதிப்பிலான பொருட்களை அவர்கள் சுருட்டிக்கொண்டு தப்பியோடியுள்ளனர்.
https://twitter.com/nextminutenews7/status/2087749505773187401/video/1
இந்தத் திருட்டு சம்பவம் முழுவதும் கடையில் பொருத்தப்பட்டிருந்த சிசிடிவி கேமராவில் தெளிவாகப் பதிவாகியுள்ளது. இந்தக் காட்சிகளின் அடிப்படையில் காவல்துறையினர் வழக்குப் பதிவு செய்து, தப்பியோடிய அந்த மூன்று பெண்களையும் தீவிரமாகத் தேடி வருகின்றனர்.