” முதலமைச்சராக அந்த 2 தொகுதி போதும்”… தமிழக அரசியலில் விஜய் போட்ட ‘மாஸ்டர்’ பிளான்… அதிரப்போகும் 2026 தேர்தல்….!!!

தமிழகத்தில் ஏப்ரல் 23-ஆம் தேதி சட்டமன்றத் தேர்தல் நடைபெறவுள்ள நிலையில், நடிகர் விஜய் தொடங்கிய ‘தமிழக வெற்றிக் கழகம்’ தனது முதல் தேர்தல் களத்தை எதிர்கொள்ளத் தயாராகி வருகிறது. கட்சி தொடங்கி இரண்டு ஆண்டுகள் நிறைவடைந்த நிலையில், கரூர் சம்பவம், சினிமா ரிலீஸ் சிக்கல்கள் மற்றும் தனிப்பட்ட வாழ்க்கை குறித்த விமர்சனங்கள் எனப் பல சவால்களைக் கடந்து விஜய் தீவிர அரசியலில் ஈடுபட்டு வருகிறார். ஏற்கனவே பெண்களுக்கான சிறப்பு நலத்திட்டங்களை முதற்கட்டமாக அறிவித்துள்ள நிலையில், தேர்தலுக்கு இன்னும் 30 நாட்களே உள்ள சூழலில் தவெக-வின் முழுமையான தேர்தல் அறிக்கை மற்றும் வேட்பாளர் பட்டியல் குறித்த எதிர்பார்ப்பு மக்களிடையே உச்சக்கட்டத்தை எட்டியுள்ளது.

விஜய் இந்தத் தேர்தலில் எந்தத் தொகுதியில் போட்டியிடுவார் என்பது குறித்து இதுவரை அதிகாரப்பூர்வ அறிவிப்பு வெளியாகவில்லை என்றாலும், அரசியல் வட்டாரத்தில் சில தொகுதிகள் பலமாக விவாதிக்கப்படுகின்றன. குறிப்பாக, உழைக்கும் மக்கள் அதிகம் வசிக்கும் வட சென்னையின் பெரம்பூர் தொகுதி அல்லது தனது இல்லம் அமைந்துள்ள விருகம்பாக்கம் தொகுதியை அவர் தேர்ந்தெடுக்கலாம் எனக் கருதப்படுகிறது. அதேபோல், “திருச்சி திருப்புமுனை” என்ற அரசியல் சென்டிமென்ட் அடிப்படையில் திருச்சி கிழக்கு தொகுதியிலும், ஆளுங்கட்சிக்கு நேரடி சவால் விடும் வகையில் வட சென்னையின் ஒரு தொகுதியிலும் என இரண்டு இடங்களில் அவர் போட்டியிட வாய்ப்புள்ளதாகவும் தகவல்கள் கசிகின்றன.

அப்படி இந்த 2 தொகுதிகளில் விஜய் போட்டியிட்டு வெற்றி பெற்றால் அவர் தான் முதலமைச்சராக வருவார் என்றும் சொல்லப்படுகிறது. தமிழகத்தின் 234 தொகுதிகளிலும் தனித்துப் போட்டி என்ற அதிரடி முடிவில் உள்ள விஜய், சட்டமன்றத்திற்குள் நுழைவது ஒருபுறம் இருந்தாலும், அவர் முதலமைச்சராகப் பொறுப்பேற்க தவெக தனிப் பெரும்பான்மை பலத்துடன் 118 இடங்களுக்கு மேல் வெற்றி பெற வேண்டும். தற்போதைய நிலவரப்படி எந்தக் கட்சியுடனும் கூட்டணி வைக்காமல் ‘சிங்கிள் சிங்கம்’ ஆகக் களம் காணும் விஜய்யின் இந்த அரசியல் வியூகம், வரப்போகும் தேர்தலில் எந்த மாதிரியான தாக்கத்தை ஏற்படுத்தும் என்பது மே 4-ஆம் தேதி வாக்கு எண்ணிக்கையின் போது தெரிந்துவிடும்.