ஊரடங்கால் முடங்கிய உலகம்… ஆனால் இந்தச் சிறுவன் அடங்கவில்லை… இணையத்தை அதிர வைக்கும் 600 கி.மீ பயணத்தின் பின்னணி…!!!

பீகாரின் அராரியா மாவட்டத்தைச் சேர்ந்த 11 வயது சிறுவன் தபாரக்கின் கதை, மனித உறுதியால் எதையும் சாதிக்க முடியும் என்பதற்கு ஒரு சிறந்த சான்றாகும். வாரணாசியில் கூலி வேலை செய்து வந்த இவரது தந்தை ஒரு விபத்தில் கால் முறிந்து நடக்க முடியாமல் போனார், அதே நேரத்தில் அவரது தாயார் கண்பார்வையற்றவர்.

மேலும் ஊரடங்கு காலத்தில் எவ்வித போக்குவரத்து வசதியும் இல்லாத இக்கட்டான நிலையில், அந்தச் சிறுவன் சோர்ந்து போய் உட்காரவில்லை. மாறாக, தனது தந்தை மற்றும் தாயை ஒரு மூன்று சக்கர வண்டியில் அமர வைத்து, வாரணாசியிலிருந்து சுமார் 600 கிலோமீட்டர் தொலைவிலுள்ள தனது சொந்த ஊரான அராரியாவிற்கு அந்த வண்டியைத் தானே இழுத்துச் செல்ல முடிவெடுத்தான்.

இதனால் சுட்டெரிக்கும் வெயில், பசி, உடல் சோர்வு மற்றும் கைகளில் ஏற்பட்ட கொப்புளங்கள் என அனைத்துத் துயரங்களையும் தாண்டி, தொடர்ந்து ஒன்பது நாட்கள் அந்த வண்டியை இழுத்துச் சென்றான் தபாரக். விளையாடித் திரிய வேண்டிய பிஞ்சு வயதில், தன் பெற்றோரை எவ்வாறாவது பாதுகாப்பாக ஊர் சேர்த்திட வேண்டும் என்ற அவனது அசாத்திய துணிச்சல் அவனை ஒரு மாபெரும் வீரனாக மாற்றியது.

இந்த நெஞ்சை உருக்கும் பயணம், ஒரு உண்மையான மகன் தனது பெற்றோருக்கு எத்தகைய உறுதுணையாக இருக்க வேண்டும் என்பதை உலகிற்கு உணர்த்தியுள்ளது. வறுமையும் சூழலும் ஒரு குழந்தையை முன்கூட்டியே பக்குவப்பட்ட மனிதனாக மாற்றியிருந்தாலும், அவனது இந்த வீரச் செயல் காலம் கடந்தும் பேசப்படும் ஒரு உன்னத வரலாறாகும்.