தமிழகப் பதிவுத்துறையில் வெளிப்படைத்தன்மையை அதிகரிக்கவும், பொதுமக்கள் எளிதில் சொத்து பரிமாற்றம் செய்யவும் ஏதுவாகப் பதிவுத்துறைத் தலைவர் தினேஷ் பொன்ராஜ் ஆலிவர் புரட்சிகரமான மாற்றங்களைச் செய்துள்ளார். குறிப்பாக, சொத்து வாங்குபவர்களின் நலனைக் கருத்தில் கொண்டு, வழிகாட்டி மதிப்பு நிர்ணயத்தில் நிலவி வந்த குழப்பங்களைத் தீர்க்க மே 5, 2026 அன்று புதிய சுற்றறிக்கை ஒன்றை வெளியிட்டுள்ளார். இதன் மூலம், குடியிருப்புப் பகுதிகளில் உள்ள கடைகள், தொழிற்சாலைகள் அல்லது கல்வி நிறுவனங்கள் விற்பனைக்கு வரும்போது, அவற்றுக்குத் தனியாக அதிகப்படியான வணிக ரீதியிலான மதிப்பை நிர்ணயம் செய்ய வேண்டிய அவசியமில்லை என்றும், அந்தத் தெருவிற்கு ஏற்கனவே உள்ள குடியிருப்பு மதிப்பையே பயன்படுத்தலாம் என்றும் தெளிவுபடுத்தப்பட்டுள்ளது.
தொழிற்சாலை நிலங்களைப் பொறுத்தவரை, மாவட்ட ஆட்சியர் தலைமையிலான குழுக்களால் அங்கீகரிக்கப்பட்ட மதிப்பையே அதிகாரிகள் பின்பற்ற வேண்டும் என உத்தரவிடப்பட்டுள்ளது. மாநகராட்சி மற்றும் நகராட்சி எல்லைக்குள் அமையும் தொழிற்சாலைகளுக்குச் சதுர அடி அடிப்படையில் மதிப்பு நிர்ணயம் செய்யப்பட வேண்டும். அதே சமயம், ஒரே சுற்றுச்சுவருக்குள் இயங்கும் பெரிய தொழிற்சாலை வளாகங்களில், கட்டிடம் உள்ள பகுதிக்கு மட்டும் தொழிற்சாலை மதிப்பைக் கணக்கிட்டு, மீதமுள்ள காலி இடங்களுக்கு வழக்கமான வழிகாட்டி மதிப்பையே பயன்படுத்தலாம். கிராமப்புறங்களில் உள்ள கோழிப் பண்ணை, இறால் பண்ணை மற்றும் காற்றாலை போன்றவற்றுக்கு வழிகாட்டியில் உள்ள விவசாய மதிப்பையே தொடர்ந்து பயன்படுத்தவும் அனுமதி அளிக்கப்பட்டுள்ளது.
மேலும், ஒரு சொத்து பல புல எண்களில் அமைந்திருக்கும் போது, அனைத்துப் புல எண்களுக்கும் அதிகபட்ச மதிப்பைச் சுமத்தாமல், அந்தந்த புல எண்களுக்குரிய மதிப்பை மட்டும் கணக்கிட்டால் போதுமானது என அறிவிக்கப்பட்டுள்ளது. அடுக்குமாடி குடியிருப்புகளின் முதல் விற்பனையைப் பொறுத்தவரை, கூட்டு மதிப்பு (Composite Value) நிர்ணயம் செய்வது கட்டாயமாக்கப்பட்டுள்ளது. இந்த நெறிமுறைகளைத் தமிழகம் முழுவதும் உள்ள அனைத்துப் பதிவு அலுவலர்களும் தவறாமல் பின்பற்ற வேண்டும் எனப் பதிவுத்துறைத் தலைவர் அதிரடி உத்தரவு பிறப்பித்துள்ளார்.
இந்தப் புதிய தெளிவுரைகள் பொதுமக்களுக்குப் பெரும் நிம்மதியையும் பொருளாதார நன்மைகளையும் வழங்கக்கூடியவை. இனி அதிகாரிகள் தன்னிச்சையாக அதிகப்படியான வழிகாட்டி மதிப்பை நிர்ணயம் செய்ய முடியாது என்பதால், தேவையற்ற கூடுதல் முத்திரைத் தீர்வை மற்றும் பதிவுக்கட்டணச் சுமை குறையும். இதன் மூலம் சொத்து மதிப்பீட்டில் நிலவி வந்த குழப்பங்கள் நீங்குவதுடன், சார்பதிவாளர் அலுவலகங்களில் தேவையற்ற ஆய்வுகள் மற்றும் காலதாமதமின்றி பொதுமக்கள் தங்கள் பத்திரப்பதிவை விரைவாகவும் வெளிப்படையாகவும் முடித்துக்கொள்ள வழிவகை செய்யப்பட்டுள்ளது.
தேசியவாத காங்கிரஸ் தலைவரும் மூத்த அரசியல்வாதியுமான சரத் பவாருக்கு அண்மையில் ஏற்பட்ட உடல்நலக் குறைவைத் தொடர்ந்து, அவருக்குப் பூரண ஓய்வளிக்க…
குஜராத் மாநிலம் சூரத் பகுதியில், வாங்கிய கடனைத் திருப்பிக் கொடுக்காததால் ஏற்பட்ட தகராறில் சக ஊழியரின் தலையைத் துண்டித்து மயானத்தில்…
பீகார் மாநிலம் பக்ஸார் மாவட்டத்தைச் சேர்ந்த ஊரக வளர்ச்சி அதிகாரி அல்பிதா சிங், கடந்த எட்டு மாதங்களாகத் தனக்கு சம்பளம்…
பெங்களூரு யெலஹங்கா பகுதியில், தனது மகளுடன் பழகியதாகக் கூறி கேரளாவைச் சேர்ந்த 22 வயது தொழிலாளியை அவரது முதலாளியே அடித்துக்…
உத்தரப் பிரதேச மாநிலம் பராபங்கியைச் சேர்ந்த சந்தீப் வர்மா என்பவரும் ரீமா வர்மா (30) என்பவரும் காதலித்து திருமணம் செய்து…
திருவாரூர் வடம்போக்கி பகுதியைச் சேர்ந்தவர் சங்கர்ராமன் (73). இவர் அங்குள்ள தெட்சிணாமூர்த்தி மடத்தில் பணியாற்றி வந்தார். இந்நிலையில், தியாகராஜர் கோயில்…