சுந்தர் சி இயக்கத்தில் கடந்த 2014 ஆம் ஆண்டு வெளிவந்த ஹாரர் திரைப்படம் “அரண்மனை”. இத்திரைப்படத்திற்கு கிடைத்த அமோக வரவேற்பை தொடர்ந்து 2016 ஆம் ஆண்டு “அரண்மனை 2” திரைப்படத்தை இயக்கினார் சுந்தர் சி.
அதனை தொடர்ந்து “அரண்மனை 3” திரைப்படம் 2021 ஆம் ஆண்டு வெளியானது. இத்திரைப்படங்களுக்கு கிடைத்த வரவேற்பை தொடர்ந்து “அரண்மனை 4” திரைப்படம் தற்போது உருவாகி உள்ளது. இத்திரைப்படம் முதலில் ஏப்ரல் 11 ஆம் தேதி வெளியாகும் என முதலில் அறிவிக்கப்பட்டது.
ஆனால் சில காரணங்களால் இத்திரைப்படம் ஏப்ரல் 26 ஆம் தேதிக்கு தள்ளிப்போனது. ஆனால் தற்போது இத்திரைப்படம் ஏப்ரல் 26 ஆம் தேதியும் வெளியாக வாய்ப்பில்லை என அறிவிக்கப்பட்டு மே மாதம் 3 ஆம் தேதிக்கு இத்திரைப்படம் தள்ளிப்போயுள்ளது.
இந்த நிலையில் இத்திரைப்படத்தின் வெளியீடு மே 3 ஆம் தேதிக்கு தள்ளிப்போனதற்கான காரணத்தை குறித்து பிரபல தயாரிப்பாளரான தனஞ்சயன் சமீபத்தில் ஒரு பேட்டியில் பகிர்ந்துகொண்டுள்ளார்.
அதாவது சுந்தர் சி, “அரண்மனை 4” திரைப்படத்தை தமிழ், தெலுங்கு என இரு மொழிகளிலும் உருவாக்கியுள்ளாராம். ஒரே நாளில் தமிழ், தெலுங்கு என இரு மொழிகளிலும் இத்திரைப்படத்தை வெளியிட வேண்டும் என்று முடிவெடுத்தாராம். அந்த வகையில் தமிழில் இத்திரைப்படத்திற்கு சென்சார் முடிந்துவிட்டதாம். ஆனால் தெலுங்கு என்று வரும்போது, ஆந்திராவில் உள்ள சென்சார் போர்டு அதிகாரி டிரான்ஸ்ஃபர் செய்யப்பட்டுவிட்டாராம். புதிய சென்சார் போர்டு அதிகாரி வருகிற திங்கட்கிழமைதான் பதவி ஏற்கவுள்ளாராம்.
ஆதலால் இத்திரைப்படத்தை மொத்தமாக தள்ளிப்போடுவதே மேல் என்று நினைத்த சுந்தர் சி, இத்திரைப்படத்தை மே 3 ஆம் தேதி ரிலீஸ் செய்துகொள்ளலாம் என்று முடிவெடுத்துவிட்டாராம்.