தாங்க முடியாத சித்திரவதை…! “அறைக்குள் இழுத்து சென்று பலாத்காரம் செய்த கணவர்…” 67 வயது பேராசிரியையின் பரபரப்பு புகார்…!!

பெங்களூருவில் வசிக்கும் 67 வயது ஓய்வு பெற்ற கல்லூரி முதல்வர், தனது 70 வயது கணவர் மீது பாலியல் அத்துமீறல் மற்றும் கொலை மிரட்டல் விடுத்ததாகக் காவல் நிலையத்தில் அதிரடி புகார் அளித்துள்ளார். கடந்த 1983-ல் திருமணமான இந்த தம்பதியரிடையே, மனைவியின் சமூக அந்தஸ்து மற்றும் வருமானம் காரணமாக நீண்ட காலமாகவே கசப்பான சூழல் நிலவி வந்துள்ளது. மனைவியின் வெற்றியைப் பொறுக்காத கணவர், அவரது ஓய்வூதியம் மற்றும் சொத்துகளைத் தன் பெயருக்கு மாற்றச் சொல்லித் தொடர்ந்து கட்டாயப்படுத்தி வந்துள்ளார்.

கடந்த நவம்பர் மாதம் வீட்டைச் சுத்தம் செய்து கொண்டிருந்த போது, கணவர் தன்னை வலுக்கட்டாயமாக அறைக்குள் இழுத்துச் சென்று பாலியல் வன்கொடுமை செய்ததாக அந்தப் பேராசிரியை வேதனையுடன் தெரிவித்துள்ளார். இதனைத் தடுத்த போது, அவரையும் அவரது இரண்டு மகன்களையும் கொன்று விடுவதாகக் கணவர் மிரட்டியதுடன், இதய அறுவை சிகிச்சை செய்தவர் என்றும் பாராமல் கழுத்தை நெரித்துத் துன்புறுத்தியுள்ளார். மகன்கள் வீட்டில் பொருத்தியிருந்த கண்காணிப்பு கேமராவில் இந்த அத்துமீறல்கள் அனைத்தும் ஆதாரமாகப் பதிவாகியுள்ளன.

பாதிக்கப்பட்ட பெண்மணியின் புகாரைப் பெற்றுக்கொண்ட கோவிந்தராஜ் நகர் போலீசார், முதியவர் மீது வழக்குப் பதிவு செய்து தீவிர விசாரணை மேற்கொண்டு வருகின்றனர். தனது உழைப்பில் வாழ்ந்து கொண்டே தனக்கே துரோகம் செய்த கணவர் மீது உரிய நடவடிக்கை எடுக்க வேண்டும் என அந்தப் பேராசிரியை கோரிக்கை விடுத்துள்ளார். வயது முதிர்ந்த காலத்தில் அரங்கேறியுள்ள இந்த வன்முறைச் சம்பவம் அப்பகுதியில் பெரும் அதிர்ச்சியை ஏற்படுத்தியுள்ளது.