சண்டிகர் போக்குவரத்துத் துறை நடத்திய ஏலத்தில், ‘CH01-CU-0001’ என்ற விஐபி பதிவு எண் சுமார் 31.22 லட்ச ரூபாய்க்கு ஏலம் போயுள்ளது. ஏலத்தின் தொடக்க விலையாக 50,000 ரூபாய் நிர்ணயிக்கப்பட்ட நிலையில், பல கார் பிரியர்கள் போட்டி போட்டுக் கொண்டு ஏலம் கேட்டதால் விலை இந்த அளவிற்கு உயர்ந்துள்ளது.
பொதுவாக ஒரு நடுத்தர வகை சொகுசு காரின் விலையையே இந்த ஒரு பதிவு எண் ஈட்டியுள்ளது அனைவரையும் வியப்பில் ஆழ்த்தியுள்ளது. 2025-ஆம் ஆண்டு டிசம்பர் மாதம் நடைபெற்ற இந்த ஏலத்தில், இது தவிர மற்ற விஐபி எண்களும் பல லட்சங்களுக்கு ஏலம் போயுள்ளன. வாகனப் பிரியர்கள் தங்களின் கௌரவ அடையாளமாக இத்தகைய எண்களைக் கருதுவதால், சண்டிகரில் இதுபோன்ற அதிக விலையிலான ஏலங்கள் தொடர்ந்து நடைபெற்று வருகின்றன.