ஈரான் போரினால் துபாய்க்கு ஏற்பட்ட பல ஆயிரம் கோடி நஷ்டம்… முடிவுக்கு வருகிறதா சவுதி அராம்கோ?… லாபத்தில் அமெரிக்கா… அதிரவைக்கும் பின்னணி..!!!

அமெரிக்கா – ஈரான் இடையேயான தற்போதைய போர்ச் சூழல், வளைகுடா நாடுகளின் பொருளாதாரத்தை மிகக்கடுமையாகப் பாதித்துள்ளது. குறிப்பாக, உலகிற்கே எரிசக்தி வழங்கும் முக்கியப் பாதையான ஹார்முஸ் ஜலசந்தி மூடப்பட்டதால், சவுதி அரேபியா மற்றும் ஐக்கிய அரபு அமீரகம் உள்ளிட்ட நாடுகள் சுமார் 15.1 பில்லியன் டாலர் மதிப்பிலான வருவாய் இழப்பைச் சந்தித்துள்ளன.

இதில் சவுதி அரேபியா மட்டும் தனது ‘அராம்கோ’ எண்ணெய் நிறுவனத்தின் செயல்பாடுகள் பாதிக்கப்பட்டதால் 4.5 பில்லியன் டாலர்களை இழந்துள்ளது. மேலும், சுற்றுலாத்துறையில் முன்னணியில் இருக்கும் துபாய் போன்ற நகரங்கள் பயணிகள் வருகை குறைந்ததால் 2.5 பில்லியன் டாலர் வரை நஷ்டத்தைச் சந்தித்துள்ளன. வளைகுடா நாடுகளின் இந்த வீழ்ச்சி, உலகப் பொருளாதாரத்தில் பெரும் தாக்கத்தை ஏற்படுத்தும் என்று அஞ்சப்படுகிறது.

மேலும் பொருளாதார இழப்புகளைத் தாண்டி, போரின் கோரப்பிடியில் சிக்கிப் பொதுமக்கள் பலியாவது பெரும் சோகத்தை ஏற்படுத்தியுள்ளது. இந்தப் போர் பதற்றத்தால் ஐக்கிய அரபு அமீரகம், குவைத் மற்றும் ஈராக் ஆகிய நாடுகளில் நூற்றுக்கணக்கான அப்பாவிப் பொதுமக்கள் உயிரிழந்துள்ளதாகத் தரவுகள் தெரிவிக்கின்றன.

இந்த ஈரானின் அதிகார மையத்தைச் சிதைப்பதாகக் கூறி அமெரிக்கா ஏவும் ஏவுகணைகள் மற்றும் வெடிமருந்துகளுக்காகப் பல பில்லியன் டாலர்களைச் செலவழித்து வரும் நிலையில், மறுபுறம் வளைகுடா நாடுகளின் பல ஆண்டுகால உழைப்பும், செல்வச் செழிப்பும் போரின் புகையில் சாம்பலாகி வருகின்றன. போர் நீடிக்கும் பட்சத்தில் கச்சா எண்ணெய் விலை விண்ணைத் தொடும் என்றும், இது உலக நாடுகளுக்குத் தீராத தலைவலியாக மாறும் என்றும் இந்தக் கட்டுரை எச்சரிக்கிறது.